STRAŽARSKO KULA Br. 1, 2023 | Sar te grižine tut bašo tlo emocionalno sastipe
Milionja manuša ko celo sveto, bizi razlika kobor berš isi len, savo ekonomsko status isi len, savo obrazovanie, savi nacionalnost ili ki savi religija tane, borinena pe phare simptomencar kola soj tane povrzime e emocionalno sastipaja. Soj tano o emocionalno nasvalipe hem sar vlijajnela upro manuša? Ko akava spisanie ka dikha kobor tano važno te rodel pe medicinsko pomoš hem sar šaj i Biblija ko praktično način te pomožinel okolenge so isi len asavko problemi.
Emocionalno sastipe — problemi ko celo sveto
O emocionalno nasvalipe na birinela e manušeskere berša hem kotar avela. Dikh sar e Biblijakere sovetija šaj te pomožinen tuke bašo tlo emocionalno sastipe.
O Devel grižinela pe tuke
Soske šaj te ova uverime kaj o Jehova o Devel haljola amare misle hem sar osetinaja amen, pošukar taro bilo koj javer?
1 | Molitva — „Sa tumare griže frden leske“
Dali šaj čače te moline tut e Devleske bašo sekova pharipe ili misla so voznemirinela tut? Sar i molitva pomožinela okolenge so isi len anksioznost?
2 | Uteha taro e Devleskoro Lafi
I biblisko poraka dela amen čačutni nadež kaj panda hari ko negativna čuvstvija nane te setina amen.
3 | Sar šaj te pomožinen amen o primerija tari Biblija
O izveštaija tari Biblija taro murša hem džuvlja kola so sine len ista čuvstvija sar amare, šaj te pomožinen amenge te na osetina amen korkori keda borinaja amen čuvstvoncar kola so voznemirinena amen.
4 | I Biblija dela praktična sovetija
Dikh sar adava so ka čitine bibliska stihija hem ka čhive tuke razumna celija kola so šaj te ispolnine len šaj te pomožinen tuke te ikljove ko krajo tle emocionalna problemencar.
Sar te pomožina okolenge so isi len emocionalno nasvalipe
Adava so ka pomožine nesave tle amaleske so isi le emocionalno problemi šaj te kerel te osetinel pe pošukar.
