Кала кай о пашутно мануш исин психическо насвалимос, амэ можэм тэ на ӷанас, со тэ терас. Но исин бут способоря, сар тэ поможысарас лэсти и тэ сыкавас, кай любисарас.

«Трэбуй май ӥто тэ ашунэс» (ИАКОВА 1:19).

Ек анда со май лашэ способоря тэ поможыс лэ пашутнэсти — када тэ виашунэс лэс. Но на бистэр, кай на трэбуй пэ кажно алав варисо тэ ԥэнэс. Ӷлавно, кай о мануш тэ диқэл, кай лэс внимательно ашунэн и полэн. Старыинпэ тэ полэн, со лэстэ по ди, и ни андэр со тэ на дошалярэн. Сэрэн, кай во можэт тэ ԥэнэн най кода, со гиндой, и потом пала када тэ пожалеет (Иов 6:2, 3).

«Подритярэн кодэлэн, касти ԥарэс по ди» (1 ФЕССАЛОНИКИЙЦАМ 5:14).

Кай тиро пашутно моӷут тэ авэн пэрэжывании или во можэт тэ борийпэ лэ гиндонэнца, кай нисо на ашэл. Дажэ если ту на ӷанэс, со тэ ԥэнэс, просто тер вся, кай во тэ полэл, кай во тути куч, и када лэс подритярэла.

«Чачуно друӷо любий вся и время» (ПРИТЧИ 17:17).

Ԥэн пэстирэ пашутнэсти, кай ту ӷотово лэсти тэ поможыс. На гиндосар, кай екжэно ӷанэс, сар тэ поможыс. Фэдэр пуш лэстар. Если лэ манушэсти  сложно тэ росԥэнэн, со лэсти трэбуй, ԥэн, кай ту можэш вмести лэса варисо тэ стерэс, например тэ проӷуляешся. Кадяжэ ту можэш лэсти тэ поможыс, если лэсти трэбуй варисо тэ тинэн, тэ поприлэл или варисо инке (Галатам 6:2).

«На холявэн ни пэр кастэ» (1 ФЕССАЛОНИКИЙЦАМ 5:14).

Тиро пашутно най всегда закамэла пала варисо тэ подэл дума. Ԥэн лэсти, кай кала во авэла ӷотово тэ подэл дума, ту авэса радо лэс тэ виашунэс. Через о насвалимос во можэт тэ стерэл или тэ ԥэнэн варисо обидно. Во можэт тэ парувэл тумарэ планоря или резко тэ лэл тэ холявэл. Если кадя авэла, ав терпеливо и старысав лэс тэ полэс (Притчи 18:24).

«Мэ старысавав тэ авав манушэса, савэсти всегда можно доверять. Канешно, мэ нэ моӷу тэ ришысарав всаворэ проблемы мэрня подруӷатирэ. Но мэ старысавав драго ла тэ виашунав. Дэкала вой видэлпэ дума и лати ашэл май драго» (Фэрра a, кай латири подруӷа ростройство пищевого поведения, тревожно ростройство и клиническо депрессия).

«Мандэ исин подруӷа, сави всегда подритярэл ман лашэ алавэса. Еқварэс вой гитосардя вкусно хамос и ақардя ман пэстэ. Мэ почуствовала, кай вой любий ман, и смоӷла тэ росԥэнав кода, со мандэ по ди. Када фартэ ман подритярдя!» (Ха Ы́н, савятэ клиническо депрессия).

«И терпения фартэ важно. Кала и хулаи терэл кода, со манди на чалёл, мэ вспоминаю, кай дошали най вой, ай лако насвалимос. Када поможый манди тэ на холявав и тэ авав май внимательно каринг латирэ чуства и каринг кода, со лати трэбуй» (Джэйкобо, кай лэстири хулаи клиническо депрессия).

«Мэрни хулаи всегда ӷотово ман тэ подритярэл. Кала мэ фартэ пала варисо пэрэжываю, вой никала на заставий ман тэ терав кода, со мэ на камав. Дэкала через када лати прижалпэ тэ отԥэндёл кодэлэстар, со вой камлоп тэ стерэл. Мэрни хулаи — чачуно сомнак, важ кода кай вой щедро и ӷотово тэ жал пэ жэртвы» (Энрико, савэстэ тревожно ростройство).