О чачуно Дэл, када Кодэва, ко вся создал. Лэстэ никала на сас начало и во авэла вся и вечность (Псалом 90:2). Када во росԥэндя амэнди и лащи новость, сави запистромэ андэ Библия (1 Тимофею 1:11). Важ кода кай о Дэл дя амэнди и жызня, амэ трэбуй тэ тэлювас кати лэсти. (Адиносар Откровение 4:11.)

Нико анда мануша никала на диқля лэ Дэвлэс, важ кода кай во Духо и жувэл по нэбо. Кодэла, ко жувэн по нэбо, пэ бутэстэ май зоралэ и май годявэрнэ кодэлэндар, ко жувэн пэ ԥув (Иоанна 1:18; 4:24). Амэ нэ можэм тэ диқас лэ Дэвлэс, но пала лэстэ можно тэ уӷанас, кала роздиқас кода, со во создал. Например, кода, кай исин бут разни фрукты и цвиторя, сыкавэл лэ Дэвлэстири любовь и мудрость. Ай о нэбо, и черӷая и и ԥув сыкавэн, кай лэстэ баро зор. (Адиносар Римлянам 1:20.)

Инке май бут пала Дэл можно тэ уӷанас анда Библия. Андэр латэ ԥэнэнпэ, со лэ Дэвлэсти чалёл, ай со най. Кадяжэ котэ росԥэнэнпэ, сар во обжалпэ лэ манушэнца и со во терэл, кала и мануша андярэн пэс драго чи найдраго. (Адиносар Псалом 103:7—10.)

О Иисусо ԥэндя: «Амаро Дад по нэбо, мэк тиро алав авэл свынто» (Матфея 6:9). Кай о Дэл бут титулоря, но о алав лэстэ кати ек. Пэ разни шыба кадэва алав ԥэнэнпэ по разному. Романэс ԥэнэнпэ «Иегова». (Адиносар Псалом 83:18.)

Лэ Дэвлэско алав вилинэ анда бут библейски переводоря и парудэ пэ титулоря Ӷосподо и Дэл. Но пэ кодэя шыб, пэ сави спэрва пистросардэ и Библия, лэ Дэвлэско алав сас  запистромэ варикай 7 000 раз. Кала о Иисусо росԥэнэнас лэ манушэнди важ о Дэл, во вся и время ԥэнэнас лэско алав. (Адиносар Иоанна 17:26.)

Дик видео «Кай о Дэл исин алав?».

Адес андэ люма фартэ бут ԥаримос и биды. Но сыкавэл ли када, кай о Дэл на любий амэн и лэсти всаек со амэнца? Дэсавэ мануша ԥэнэн, кай о Дэл бишалэл амэнди ԥаримос и биды, кай тэ диқэл, виритяраса амэ лэн чи най. Но када найчачимос. (Адиносар Иакова 1:13.)

О Иегова дя лэ манушэсти свобода, кай во екжэно тэ витидэл. Во нэ создал амэн тэ авас сар роботоря, и амэ блаӷодарни лэсти важ када. Амэ можэм екжэнэ тэ витидас, тэ служысарас лэсти чи най (Иисус Навин 24:15). Но бут мануша витидэн тэ жувэн па аврятэ. Вонэ терэн найлашимос аврэнди и важ када андэ люма кадя бут ԥаримос и биды. Кай о Иегова по ди ашэл ԥарэс, кала во диқэл вся када. (Адиносар Бытие 6:5, 6.)

О Иегова любий амэн. Во камэл, кай амэ тэ авас лошалэ ла жызняти. Йто во улэла о найлашимос и кодэлэн, ко када терэл. Но пока, пэ дэсави время, о Иегова домэкэл о ԥаримос и биды. Васо? Пала када амэ уӷанаса анда 8 уроко. (Адиносар 2 Петра 2:9; 3:7, 13.)

О Иегова камэл, кай амэ тэ ашас май пашэ каринг лэстэ и андэ када амэнди поможыя и молитва. Амэнди трэбуй тэ дас дума лэ Дэвлэса, важ кода кай во шол сама кажнонэ манушэс (Псалом 65:2; 145:18). Кадяжэ о Иегова простий амэн. Дажэ если амэндэ дэкала варисо на вижал, во диқэл, кай амэ камас тэ радуем лэс. Вижал, амэ можэм тэ авас друӷоря лэ Дэвлэса, хоть амэ и найсовершэни. (Адиносар Псалом 103:12—14; Иакова 4:8.)

Важ кода кай о Дэл дя амэнди и жызня, амэ трэбуй тэ любисарас лэс май фартэ всаворэстар (Марка 12:30). Кай тэ сыкавэс пэстири любовь каринг о Дэл, тути трэбуй тэ уӷанэс важ лэстэ и тэ ритярэс лэско законо. Кадя ту ашэса май пашэ каринг о Иегова. (Адиносар 1 Тимофею 2:4; 1 Иоанна 5:3.)