Чаче чи най и ловэ када зло?
Со ԥэнэнпэ андэ Библия
Най. Андэ Библия на ԥэнэнпэ, кай и ловэ найлашэ или кай через лэндэ всаворэ и проблемы. Выражэния «деньги — зло» када паруди выражэния анда Библия. Полностью вой запистромэ акэ сар: «Важ кода кай вся о найлашымос жал кодэлэстар, кай исин любовь каринг и ловэ» (1 Тимофею 6:10).
Со андэ Библия ԥэнэнпэ пала ловэ?
Андэ Библия ԥэнэнпэ, кай если правильно тэ относимся каринг и ловэ, вонэ поможын андэ жызня и дажэ моӷут тэ авэн защита важ о мануш (Экклезиаст 7:12). Андэр латэ кадяжэ запистромэ похвала пала кодэла мануша, ко щедро и делинпэ лэ ловэнца (Притчи 11:25).
Но кадяжэ андэ Библия ԥэнэнпэ, кай и ловэ тэ на ашэн важ амэндэ ӷлавни андэ жызня. Андэр латэ пистромэ: «Мэк андэ тумари жызня на авэла любовь каринг и ловэ. Авэн лошалэ кодэлэсти, со исин» (Евреям 13:5). Вижал важно тэ авэл правильно отношэния каринг и ловэ и тэ на цырдаспэ пала барвалимос. Трэбуй тэ сытювас тэ авас довольни кодэлэсти, со амэндэ ужэ исин и со амэнди па чачимастэ трэбуй, када хамос, ӥда и кай тэ жувас (1 Тимофею 6:8).
Васо андэ Библия ԥэнэнпэ, кай тэ на авэл любовь каринг и ловэ?
Кай жадно мануш на авэла возможность тэ жувэл вечно (Эфесянам 5:5). Васо? Важ кода кай и жадность ужал андэ идолопоклонство (Колоссянам 3:5). Ай инке важ кода, кай кала и жадни мануша терэн вся, кай тэ домардён, со вонэ камэн, вонэ моӷут часто нарушать лэ Дэвлэстирэ законоря. Андэ Притчи 28:20 ԥэнэнпэ: «Ко камэл йто тэ барвадёл, ашэлапэ дошало». Сави дош? Важ и ловэ о жадно мануш можэт тэ терэл найлашымос, например, тэ шантажырует варикас, тэ вимарэл и ловэ, тэ обдилярэл, тэ чорэл манушэн и тэ умарэл.
Дажэ если через и любовь каринг и ловэ о мануш на стерэла нисо анда када, кацави любовь вся ек анэна найлашымос. Андэ Библия ԥэнэнпэ, кай «кодэла, ко закамлэ тэ барвадён, лэндэ ԥаримос, вонэ попэрэн андэ ловушка и камэн кода, со най годявэрно и вэрыто» (1 Тимофею 6:9).
Сар амэнди моӷут тэ дэн помощь и библейски советоря пала ловэ?
Если важ и ловэ амэ на парашас тэ приритярдювас лэ Дэвлэстирэ законости и на ашавас пэско распорядко андэ служэния, тоди амэ фэрисарас самоуважение и чалювас лэ Дэвлэсти. Во дэл алав, кай подритярэла амэн. Акэ со во обещает кодэлэсти, ко анда вся оди камэл тэ радуий лэс пэстиря жызняса: «Никала на ашавава тут и никала на мэкава тут» (Евреям 13:5, 6). О Дэл кадяжэ дэл алав, кай кодэлэсти, ко кандэл лэс «авэла бут лашымос» (Притчи 28:20).