Через лэ Иисусостири Христостири жэртва о Иегова улэла лэ манушэндар о ӷрехо и смэрть. Андэ Библия ԥэнэнпэ, кай лэ Иисусоско рат — када цэмин, сави витинэн (Эфесянам 1:7; 1 Петра 1:18, 19). Важ када о Иисусо ԥэндя, кай во авеля, кай «тэ отдэл пэстири жызня, кай тэ витинэл бутэн» (Матфеё 20:28).

Васо трэбуй сас «тэ витинэл бутэн»?

 Пэрво мануш, о Адамо, сас создано совершэно, то есть би ӷрехоско. Во трэбуй сас тэ жувэл вечно, но во хасардя кацави возможность, кала на кангля лэ Дэвлэс (Бытие 3:17—19). Кала кай о Адамо арақаделэ бэяцэ, во пэрэдя лэнди о ӷрехо па наследство (Римлянам 5:12). Важ када андэ Библия ԥэнэнпэ, кай о Адамо битиндя пэс и пэстирэ бэятонэн андо рабство кай о ӷрехо и смэрть (Римлянам 7:14). Вонэ найсовершэни и нэ моӷли тэ витинэн кода, со хасардя о Адамо (Псалом 49:7, 8).

 Лэ Дэвлэсти сас жалко лэ Адамостирэ потомконэн, вонэ нисо нэ моӷли тэ стерэн андэ кацави положэния (Иоанна 3:16). Но важ кода кай лэ Дэвлэстэ исин нормы справедливости, во нэ моӷ просто тэ коравэл и яқа пэ лэндирэ ӷрехоря или тэ простий лэн просто кадя (Псалом 89:14; Римлянам 3:23—26). О Дэл любий лэ манушэн, важ када во дя кода, со трэбуй па законо, кай най кати кай тэ простий лэ ӷрехонэндар, но и кай тэ освободий лэндар (Римлянам 5:6—8). И кода, со трэбуй па законо, — када о выкупо.

Со када выкупо?

 Сар ԥэнэнпэ андэ Библия, андо выкупо ужал трин маменторя:

1.   Када цэмин (Числа 3:46, 47).

2.   Через лэстэ можно тэ витинэн, или тэ освободин (Исход 21:30).

3.   Во соотвецтвует кодэлэсти, васо потинэн, или пэрэкрывает a лэстири цэмин.

 Роздиқам, сар кадэла маменторя поджан каринг о выкупо, саво отдя о Иисус Христос.

1.   Цэмин. Андэ Библия ԥэнэнпэ, кай важ и христианоря отдинэ бари цэмин (1 Коринфянам 6:20; 7:23). И кадэя цэмин — када лэ Иисусоско Христоско рат, савэса во тиндя «важ о Дэл лэ манушэн анда всаворэ племена, нацыи и народоря, савэ дэн дума пэ разни шыба» (Откровение 5:8, 9).

2.   Освободий. Лэ Христостири жэртва через о выкупо освободий лэ ӷрехостар (1 Коринфянам 1:30; Колоссянам 1:14; Евреям 9:15).

3.   Соотвецтвует. Лэ Христостири жэртва точно соотвецтвует кодэлэсти, со хасардя о Адамо, — када ек совершэно манушыкани жызня (1 Коринфянам 15:21, 22, 45, 46). Андэ Библия ԥэнэнпэ: «И сар ек мануш [о Адамо] на кангля лэ Дэвлэс, и кадя бут мануша ашэлэ ӷрешни, кадя жэ через ек мануш [о Иисусо], саво кангля лэ Дэвлэс, бут мануша ашэна праведни» (Римлянам 5:19). Када дэл тэ полас, сар и смэрть еқэ манушэстири можэт тэ авэл выкупо важ бут мануша. Лэ Христостири жэртва — када «кацави жэ жызня важ о выкупо пала всаворэ», ко камэл кадэва лашимос (1 Тимофею 2:5, 6).