Yihowa Farciˈraasineha Songote Gambooshshe
Gambooshshinke daafira afate woˈnaali. Atera mulannoha gambooshshu bayichono layiˈri.
Gambooshshinkewa Maa Maa Assinanni?
Yihowa Farciˈraasine lamalate kiiro lame higge Magano magansiˈrate gamba yitanno. (Ibiraawoota 10:24, 25) Konni gambooshshiwa, Qullaawu Maxaafi yaannorenna aanno amaale heeshshonke giddo harunsa dandiineemmo gara ronseemmo; gambooshshenke mannu baalunku daa dandaanno.
Roore woyite, gambooshshinke yannara macciishshaanote ledo hasaambanni gafi heeˈranno; yaano rosu mine kifilete giddo hasaambanni hasaawi gede yaate. Mannu dawaro qolanni beeqqannohu uminsa fajjonniiti. Gambooshshe hananfannihunna gumullannihu faarsotenninna huuccattotenniiti.
Yihowa Farciˈraasincho ikkinokki manchino gambooshshenke daa dandaanno. Baalunku manni daye ledonke gamba yaara koyinsoommo. Ofollatto basera woxe dibaaxxatto. Mutsuwaateno gamba diassinanni.
Kurino Lai
SONGOTE GAMBOOSHSHE
Gambooshshu Addaraashenkera Maa Maa Assinanni?
Maa maa assinanniro ati umikki laˈˈattora koyinsoommohe.