Proverbat 3:1-35
3 Biri im, mos i harro mësimet* e miadhe i zbatofsh urdhërimet e mia me gjithë zemër,
2 sepse do të t’i shtojnë ditët,vitet e jetës dhe të paqes.+
3 Mos lejo që dashuria besnike dhe e vërteta* të ikin prej teje.+
Lidhi rreth qafës, shkruaji në pllakën e zemrës,+
4 dhe atëherë do të fitosh gjykim të mirëdhe do të gëzosh miratim në sytë e Perëndisë e të njerëzve.+
5 Beso te Jehovai+ me gjithë zemërdhe mos u mbështet në aftësinë tënde për të kuptuar.+
6 Kushtoji vëmendje në të gjitha udhët e tua,+dhe ai do t’i drejtojë shtigjet e tua.+
7 Të mos të duket vetja i mençur.+
Ki nderim të thellë për Jehovain* dhe largohu nga e keqja.
8 Atëherë trupi* do të të shërohetdhe kockat do të të përtërihen.
9 Nderoje Jehovain me gjërat e tua me vlerë,+me frytet e para të të gjithë prodhimit tënd.*+
10 Kështu depot e tua do të mbushen plot e përplot,+dhe fuçitë e tua* do të gufojnë nga vera e re.
11 Biri im, mos e hidh poshtë disiplinën e Jehovait+dhe mos e përbuz korrigjimin e tij,+
12 sepse Jehovai korrigjon atë që ka për zemër,*+siç bën babai me të birin që e kënaq.+
13 Lum njeriu që gjen mençuri!+Lum njeriu që fiton aftësi dalluese!
14 Të fitosh mençuri është më mirë se të fitosh argjenddhe ta zotërosh atë është më mirë se të kesh ar.+
15 Ajo është më e çmuar se koralet;*asnjë gjë që dëshiron, s’mund të krahasohet me të.
16 Në të djathtën e saj, ka jetë të gjatë,pasuri dhe lavdi, në të majtën e saj.
17 Udhët e saj janë të këndshmedhe në tërë shtigjet e saj ka paqe.+
18 Ajo është pemë jete për ata që e kapin,dhe ata që e rrokin, do të quhen të lumtur.+
19 Jehovai e themeloi tokën me mençuri,+
me aftësi dalluese i formoi qiejt e patundshëm.+
20 Me anë të njohurisë së tij, ujërat e thella u ndanë,dhe nga qiejt me re, pikoi vesë.+
21 Biri im, mos i humb këto* nga sytë!
Ruaje mençurinë praktike dhe aftësinë për të menduar mirë,
22 sepse do të të japin jetë*dhe do të jenë stoli për qafën tënde.
23 Atëherë do të ecësh udhës sate i sigurt,dhe këmba jote nuk do të pengohet kurrë.*+
24 Kur të shtrihesh, s’do të kesh frikë;+do të biesh për të fjetur e do të bësh gjumë të ëmbël.+
25 Nuk do të trembesh nga ndonjë tmerr i papritur,+as nga shtrëngata që po vjen mbi të ligjtë.+
26 Vetë Jehovai do të jetë siguria jote;+ai do ta ruajë këmbën tënde që të mos e zërë ndonjë grackë.+
27 Mos ua mbaj të mirën atyre që u takon+kur e ke në dorë ta bësh.+
28 Mos i thuaj tjetrit:* «Ik e hajde prapë nesër që të të jap»,
nëse mund t’i japësh që tani.
29 Mos kurdis asgjë të keqe kundër fqinjit tënd,+kur ai ndihet i sigurt me ty.
30 Mos bëj fjalë kot me njeri,+nëse s’të ka bërë asgjë të keqe.+
31 Mos i ki zili njerëzit e dhunshëm+dhe mos zgjidh asnjë nga udhët e tyre,
32 sepse hileqarët janë të pështirë për Jehovain,+ndërsa të ndershmit gëzojnë miqësi të ngushtë me Të.+
33 Mallkimi i Jehovait zë shtëpinë e të ligjve,+por ai e bekon shtëpinë e të drejtëve,+
34 sepse tallësit ai i përqesh,+kurse zemërbutët i miraton.+
35 Të mençurit do të trashëgojnë nderim,por të marrët ngrenë në qiell çnderimin.+
Shënimet
^ Ose «ligjet».
^ Ose «besnikëria».
^ Fjalë për fjalë «Frikësoju Jehovait». Shih Fjalorthin.
^ Fjalë për fjalë «kërthiza».
^ Ose «me më të mirën e të ardhurave të tua».
^ Ose «shtypëset e tua të rrushit».
^ Ose «që do».
^ Shih Fjalorthin.
^ Ka të ngjarë t’u referohet cilësive të Perëndisë të përmendura në vargjet e mëparshme.
^ Ose «do t’i japin jetë shpirtit tënd».
^ Ose «nuk do të përplaset me asgjë».
^ Ose «të afërmit». Shih Fjalorthin.
