22 MAJ 2023
RUSI

«Frika është një reagim, ndërsa guximi është vendim»

LUAJ

Më 24 mars 2023, Gjykata Krahinore e Zhileznadarozhnit në Krasnojarsk shpalli vendimin për çështjen e motër Natalija Voropaevit. Atë e gjobitën me 360.000 rubla (4.730 dollarë amerikanë).

Të dhëna

Natalija Voropaevi

Lindur: 1971 (Krasnojarsk)

Biografia: Punon si parukiere

Vriste mendjen pse ka kaq shumë vuajtje në botë, nëse ekziston Zoti. Dëshmitarët e Jehovait i dhanë përgjigje nga Bibla. Ajo u pagëzua në vitin 1996

Komente personale

Si të kanë mbështetur vëllezërit e motrat?

Në komentet e tij të fundit në gjykatë, vëlla Feliks Mahamadievi tha: «Të jetosh pa miq është si të jetosh pa rrezet e diellit.» Jam plotësisht dakord me këtë. Miqtë e mi kanë qenë gjithmonë burim drite dhe ngrohtësie për mua. Ndërkohë që isha nën hetim, u rrëzova dhe theva këmbën. Pas operacionit, këmbën e kisha në allçi për 2 muaj. Vëllezërit dhe motrat më siguronin transport, më bënin pazarin, më përgatitnin vaktet dhe bënë gjithçka që të më mbështetnin emocionalisht dhe ekonomikisht. Madje, mbi 100 prej tyre erdhën për të më dhënë zemër gjatë seancës kur u dha vendimi. I jam shumë mirënjohëse Jehovait që më ka dhënë miq kaq të mrekullueshëm. Mbështetja e tyre më siguron se asgjë nuk e pengon Jehovain të më shfaqë dashuri.

Çfarë ke mësuar nga kjo situatë?

Kam kuptuar se frika është një reagim, ndërsa guximi është vendim. Kur di se kam miratimin e Jehovait, bëhem gjithnjë e më e guximshme. Teksa vazhdoj të forcoj miqësinë me Jehovain dhe teksa lexoj Biblën përditë, e dalloj fare qartë dorën e tij në jetën time. Kjo më bind se Jehovai do të jetë përherë krah meje.

Ashtu si Natalija, edhe ne jemi të vendosur «të themi plot guxim: ‘Jehovai është ndihma ime, nuk do të kem frikë’».—Hebrenjve 13:6.

Tabelë kronologjike

Nëntor 2017–nëntor 2020

Nisin ta survejojnë dhe i kontrollojnë apartamentin. E marrin në pyetje kur hetojnë vëlla Andrej Stupnikovin
5 shtator 2022

Ngrihet një çështje penale
6 shtator 2022

I vënë kufizime për udhëtimin
20 tetor 2022

Ngrenë akuza penale
27 shkurt 2023

Nis procesi penal
24 mars 2023

E gjobitin me 360.000 rubla (4.730 dollarë amerikanë)

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME