I-JW LIBRARY
Shintja Lokufundzako Kube Ngendlela Lofuna Ngayo—iOS
Kunetincenye letinyenti letitfolakala ku-JW Library letingakusita ujabulele kufundza kwakho. Letincenye titfolakala etulu ku-screen nawufundza sehluko nobe sihloko.
Kungahle kudzingeke uchafate lencenye letsi Lokunyenti kuze ubone letincenye letinyenti letitfolakala etulu ku-screen sakho.
Landzela leticondziso kuze ushintje lokufundzako kube ngendlela lofuna ngayo:
Shintja Lulwimi
Ungalushintja lulwimi lwesehluko nobe lwesihloko losifundzako.
Chafata incenye letsi Lulwimi kuze ubone tilwimi lelokhasi lolifundzako lelitfolakala ngato. Tilwimi lovame kutisebentisa titfolakala ekucaleni kwaloluhla. Ungaphindze ufune kuloluhla ngekubhala ligama lelulwimi lolufunako.
Lulwimi losengakatitsatseli lona lubonakala ngesitfombe selifu. Chafata lulwimi kuze utitsatsele incwadzi. Nasewutitsatsele lencwadzi lesitfombe selifu bese siyanyamalala. Chafata lolulwimi kuze uyifundze.
Shintja Ema-Settings Alokubhaliwe
Ungabushintja bukhulu balokubhaliwe buye ngendlela longabutsandza ngayo.
Chafata lencenye letsi Ema-Settings Alokubhaliwe bese sewuhambisa le-slider kuze wente lokubhaliwe kutsi kube kukhulu nobe kube kuncane. Lobukhulu balolokubhaliwe butawufanana kuto tonkhe tincwadzi letikule app.
Buka Sitfombe Nobe Lokubhaliwe
Letinye tihloko tingavulwa njengetitfombe nobe njengemagama. Chafata lokufunako kuze ukuvule ngendlela lofuna ngayo.
Buka Sitfombe: Lencenye letsi buka sitfombe iveta likhasi njengobe linjalo encwadzini leshicilelwe. Labanye bangayitsandza lendlela yekubuka tincwadzi letinjenge liculo, lapho kukhonjiswa khona timphawu temculo.
Buka Lokubhaliwe: Lencenye letsi buka lokubhaliwe iveta ema-links emiBhalo lecashuniwe longayichafata futsi itawusebentisa bukhulu balokubhaliwe lokukhetsile.
Vula Ku . . .
Lencenye letsi Vula Ku . . . yenta kube lula kutsi uvule lokufundzako ku-JW Library kulamanye ema-apps.
Chafata lencenye letsi Vula Ku . . . kuze ubone luhla lwetintfo longakhetsa kuto. Nasi sibonelo, ungachafata lencenye letsi Vula Umtapo Wetincwadzi Ku-Internet kuze uvule lelikhasi lolifundzako eMtatjeni Wetincwadzi We-Watchtower Ku-Internet.
Shintja Indlela EmaBhayibheli Lahlelwe Ngayo
Nawuchafata umbhalo locashuniwe encwadzini, lamavesi ayavela. Chafata lencenye letsi Shintja lengentansi kwemavesi kuze ukhetse kutsi ngumaphi emaBhayibheli lotitsatsele wona lofuna kuwangeta kuloluhla.
Chafata lencenye letsi Faka nobe Khipha kuze wengete nobe ususe emahumusho. Wafucele enhla nobe entansi lamaBhayibheli kuze uwahlelembise kahle.
Fundza sihloko lesitsi “Titsatsele EmaBhayibheli Futsi Uwahlele Kahle—iOS” kuze ufundze indlela yekutfola emaBhayibheli ku-JW Library.
Letincenye takhululwa ngaFebruary 2015 ku-JW Library 1.4, letihambisana ne-iOS 6.0 nobe yakamuva. Nangabe ungatiboni letincenye, sicela ulandzele ticondziso letisesihlokweni lesitsi “Indlela Yekusebentisa i-JW Library—iOS” ngaphansi kwencenye letsi Tfola Kwakamuva.
