“Tempu neʼebé deside tiha toʼo mai ona, no Maromak nia Ukun besik ona. Arrepende imi-nia sala bá, no tau fiar ba liafuan diʼak.”—Marcos 1:15, Tradusaun Mundu Foun.

 “Tempu toʼo ona; Maromak nia reinu besik ona. Hakribi imi-nia sala hodi fiar liafuan diʼak.”—Marcos 1:15, Liafuan diʼak ba imi, edisaun segundu.

 Jesus Kristu hatete katak Maromak nia Ukun a mak “besik ona”, tanba nia sei sai Liurai ba Ukun neʼe no nia hamutuk ho sira iha tempu neʼebá.

 Jesus la dehan katak Ukun neʼe komesa ukun ona. Tuir loloos, depois neʼe nia fó sai ba ninia dixípulu sira katak Ukun neʼe sei mai iha futuru. (Apóstolu 1:6, 7) Maibé, Jesus toʼo iha tempu neʼebé loos. Nia toʼo iha tinan neʼebé Bíblia fó-hatene nanis ona kona-ba Liurai neʼebé sei mai. b Tanba razaun neʼe, Jesus dehan: “Tempu neʼebé deside tiha toʼo mai ona.” Nia koʼalia kona-ba tempu neʼebé nia komesa haklaken no fó sai evanjellu ka liafuan diʼak kona-ba Maromak nia Ukun.—Lucas 4:16-21, 43.

 Atu ema bele hetan benefísiu husi liafuan diʼak kona-ba Maromak nia Ukun, sira presiza arrepende sala neʼebé sira halo uluk. Sira bele halo ida-neʼe hodi sente sala kona-ba buat neʼebé uluk sira halo no troka sira-nia moris hodi halo tuir Maromak nia morál. Sira neʼebé arrepende an hatudu katak sira tau fiar ba liafuan diʼak kona-ba Maromak nia Ukun iha futuru.

 Jesus fó sai liafuan sira-neʼe kuandu nia komesa haklaken iha Galileia. Mateus 4:17 hatete katak “husi tempu neʼe ba oin”, Jesus haklaken kona-ba Maromak nia Ukun. Maromak nia Ukun mak tema ba Jesus nia haklaken. Tuir loloos, Ukun neʼe temi dala 100 iha evanjellu c haat, dala barak Jesus mak fó sai ida-neʼe. Iha Bíblia laran, Jesus koʼalia barak liu kona-ba Maromak nia Ukun duké buat sira seluk.