Saida mak ita bele husu iha orasaun?
Bíblia nia resposta
Ita bele halo orasaun kona-ba buat naran deʼit neʼebé tuir Maromak nia hakarak. Bíblia hatete: “Buat naran deʼit neʼebé ita husu hodi tuir ninia hakarak, nia rona ita.” (1 João 5:14) Ita bele temi buat neʼebé halo Ita rasik sente neon-susar ka lae? Sin, bele. Bíblia hatete: “Fakar sai imi-nia laran iha [Maromak nia] oin.”—Salmo 62:8.
Ezemplu kona-ba buat sira neʼebé ita bele husu iha orasaun
Fiar ba Maromak.—Lucas 17:5.
Espíritu santu, ka Maromak nia forsa, atu ajuda Ita halo buat diʼak.—Lucas 11:13.
Kbiit atu tahan hasoru problema sira no la monu ba tentasaun.—Filipe 4:13.
Dame iha laran.—Filipe 4:6, 7.
Matenek atu halo desizaun neʼebé diʼak.—Tiago 1:5.
Ajuda kona-ba presiza loroloron nian.—Mateus 6:11.
Perdua ita-nia sala sira.—Mateus 6:12.
Karik Ita sei gosta
LIVRU HAKLAKEN
Oinsá mak Ita tenke halo orasaun atu Maromak rona Ita?
Orasaun ba Maromak iha fatin naran deʼit no tempu naran deʼit, ho lian makaʼas ka husi laran. Jesus hanorin ita saida mak ita bele temi iha orasaun.
PERGUNTA KONA-BA BÍBLIA
Oinsá atu halo orasaun—Orasaun Ami Aman mak orasaun neʼebé diʼak liu ka lae?
Maromak rona deʼit Orasaun Ami Aman ka lae?
HANORIN IMPORTANTE SIRA HUSI BÍBLIA
Maromak rona orasaun hotu ka lae?
Oinsá se ema ida halo orasaun tanba hanoin an deʼit? Oinsá se mane ida baku ninia feen iha uma, no loron tuirmai nia husu Maromak nia bensaun?
PERGUNTA KONA-BA BÍBLIA
Tanbasá mak Maromak la simu orasaun balu?
Buka-hatene orasaun hanesan saida mak Maromak la hatán no ema hanesan saida mak Maromak la rona ba sira.
BÍBLIA NIA HANORIN
Koko ami-nia kursu Bíblia
Hahú kursu Bíblia ho gratuitu hamutuk ho Testemuña ida.