Salmo 66:1-20
Ba dirijente. Knananuk ida.
66 Imi hotu iha rai, haklalak bá ho lian manán nian hodi hahiʼi Maromak.+
2 Kanta knananuk hahiʼi nian* ba ninia naran neʼebé kmanek.
Fó hahiʼi no glória ba nia.+
3 Hatete ba Maromak: “Buat neʼebé Ita halo mak kmanek tebes!*+Ita-nia inimigu sira sei hakruʼuk an ho taʼuk iha Ita-nia oin+
Tanba Ita-nia kbiit boot.
4 Mundu tomak sei hakruʼuk ba Ita;+Sira sei kanta knananuk hahiʼi nian ba Ita;Sira sei kanta knananuk hahiʼi nian ba Ita-nia naran.”+ (Sela)
5 Mai no haree Maromak nia hahalok sira.
Buat neʼebé nia halo ba ema mak kmanek tebes.*+
6 Uluk nia halo tasi sai rai maran;+Sira hakur mota ho ain deʼit.+
Iha neʼebá mak ita haksolok tanba nia.+
7 Nia sei ukun ba nafatin+ tanba ninia kbiit.
Ninia matan kontinua hateke ba nasaun sira.+
Ema sira neʼebé ulun-toos labele gaba an.+ (Sela)
8 Imi povu sira, hahiʼi ami-nia Maromak bá,+No ho lian makaʼas fó hahiʼi ba nia.
9 Nia halo ami kontinua moris;*+Nia la husik ami-nia ain atu sidi.+
10 Tanba Ita buka-hatene didiʼak ona kona-ba ami, oh Maromak;+Ita hamoos ona ami hanesan ema hamoos osan-mutin.
11 Ita lori ami tama ba rede kasadór nian;Ita tau ona naha todan ba ami,* naha neʼebé harahun ami.
12 Ita husik ema atu sama ami-nia ulun;Ami liu ona ahi no bee;Tuirmai Ita lori ami ba fatin hakmatek ida.
13 Haʼu sei tama ba Ita-nia uma hodi lori sakrifísiu sunu nian neʼebé hasaʼe tomak;+Haʼu sei kumpre buat neʼebé haʼu jura ona ba Ita,+
14 Promesa neʼebé haʼu-nia ibun fó sai+No haʼu-nia ibun koʼalia bainhira haʼu iha susar laran.
15 Haʼu sei hasaʼe animál bokur ba Ita nuʼudar sakrifísiu sunu nianHo suar husi sakrifísiu bibi-malae aman.
Haʼu sei hasaʼe karau-aman hamutuk ho bibi-timur aman nuʼudar sakrifísiu. (Sela)
16 Imi hotu neʼebé hamtaʼuk Maromak, mai no rona bá,No haʼu sei konta ba imi buat neʼebé nia halo ona ba haʼu.+
17 Haʼu bolu nia ho haʼu-nia ibunNo haʼu fó glória ba nia ho haʼu-nia nanál.
18 Se haʼu rai buat aat iha haʼu-nia laran,Jeová sei la rona haʼu.+
19 Maibé Maromak rona duni haʼu;+Nia see tilun didiʼak ba haʼu-nia orasaun.+
20 Fó hahiʼi ba Maromak, ida neʼebé la nega haʼu-nia orasaunNo la hanetik ninia domin neʼebé laran-metin ba haʼu.
Nota-rodapé
^ Ka “Halo múzika”.
^ Ka “merese atu ema hamtaʼuk”.
^ Ka “merese atu ema hamtaʼuk”.
^ Haree “Nefes” iha Glosáriu.
^ Orj., “ba ami-nia knotak”.
