Tena i Jesosy Vata’e vao i Mesiay Naho Henteagne ty Faminaniagne Miomba i Mesia?
Vale’e ara-baiboly
Eka. Tena maro ty faminaniagne miomba i ‘Mesia Mpitarike’, i ‘Mpamonje ty tontolo toỳ.’ (Daniela 9:25; 1 Jaona 4:14) Tanterake tamy i Jesosy i faminaniagne rey, tamy ireke tan-tane etoay. Ndra tafara i nimateza’ey aza, le mbe maro ty faminaniagne nitanterake tama’e.—Salamo 110:1; Asan’ny Apostoly 2:34-36.
Inogne ty dika tihoe “Mesia”?
Sambe midika tihoe “Voahosotse” i rehake hebreo tihoe Mashiah (Mesia) naho i rehake grike tihoe Kristôs (Kristy). Midika tihoe i “Jesosy Voahosotse” ndra i “Jesosy Mesia” areke ty dika tihoe “Jesosy Kristy.”
Mateteke ro nilignagne menake ty loha ty ndaty raike tie taloha naho fa tinendre ho amy ty toeragne ambone reke. (Levitikosy 8:12; 1 Samoela 16:13) Tinendren’Andrianagnahare ho Mesia ty Jesosy. Tena toeragne ambone zay. (Asan’ny Apostoly 2:36) I fagnahy masigney ty nampiasaen’Andrianagnahare naho fa nagnosotse i Jesosy reke, fa tsy menake.—Matio 3:16.
Tanterake tamy ty ndaty hafa ka vao i faminaniagne miomba i Mesiay rey?
Aha’a. Mampiambake ty ndaty raike zao o peta-tondrò. Mitovy amy io i faminaniagne miomba i Mesiay rey. Tamy i Mesia ndra i Kristy raike avao rey ro nitanterake. Faie mampitao ty Baiboly tie ‘hisy Kristy sandoke naho mpaminany sandoke ho avy, le hanao famantaragne lahibey naho fahagagagne, satria tea’e hofitahegne hatrake amo o ndaty jinobogne reo, naho mbe azo’e atao.’—Matio 24:24.
Mbe amy ty hoavy vao vaho hiseho ty Mesia?
Aha’a. Fa nirehake ty Baiboly tie ho tarana i Davida, i mpanjaka o Israelioy, ty Mesia. (Salamo 89:3, 4) Faie fa tsy trea sasa ty taratasy nanoratagne ty tetirazagne nanomboke tamy i Davida naho fa rinava o Romanao ty Jerosalema, tamy ty taogne 70. a Hoe nipoteke tamo o fotoagne iohoe i taratasy rey. Tsy nisy afake nagnaporofo areke nanomboke tamy izay tie tena tarana i Davida Mpanjaka vata’e ty Jesosy. Faie mbe teo i taratasy rey tamy i Jesosy tan-tane etoỳ. Tsy nisy nanohetse aze areke naho fa nirehake reke tie tarana i Davida, ndra o fahavalo’e reo aza.—Matio 22:41-46.
Fire ty isa ty faminaniagne miomba i Mesia agnate Baiboly ao?
Tsy misy afake mirehake tie fire vata’e ty isa ty faminaniagne miomba i Mesia. Tsy mitovy, ohatse, ty fomba fagnisaha o ndatio ty faminaniagne amy Baiboly ao, ndra amy i andinin-teny mirehake mazava miomba i Mesia rey aza. Mirehake faminaniagne maromaro miomba i Mesia ty Isaia 53:2-7. Va’e hisy hieretseretse tie faminaniagne raike avao reo, fa ty ndaty hafa va’e hieretseretse tie faminaniagne sambe hafa reo.
Faminaniagne ila’e tanterake tamy i Jesosy
Faminaniagne |
Ty ahatreavagne aze |
Fahatanteraha’e |
|---|---|---|
Tarana i Abrahama |
Genesisy 22:17, 18 |
|
Tarana Isaka ana i Abrahama |
Genesisy 17:19 |
|
Boake amy ty foko i Joda |
Genesisy 49:10 |
|
Tarana i Davida Mpanjaka |
Isaia 9:7 |
|
Ana ty ampela mbe tsy nahavany lahy |
Isaia 7:14 |
|
Naterake ta Betlehema tao |
Mika 5:2 |
|
Tinoka tihoe Imanoela b |
Isaia 7:14 |
|
Ndaty tsotra |
Isaia 53:2 |
Lioka 2:7 |
Nisy ajaja nivonoegne tafara ty niterahagne aze |
Jeremia 31:15 |
|
Tinoka hiala a Ejipta agne |
Hosea 11:1 |
|
Tinoka tihoe Nazareana c |
Isaia 11:1 |
|
Nisy irake nialoha lalagne aze |
Malakia 3:1 |
|
Voahosotse ho Mesia tamy ty taogne 29 d |
Daniela 9:25 |
|
Nekén’Andrianagnahare ho Ana’e |
Salamo 2:7 |
Asan’ny Apostoly 13:33, 34 |
Nafana fo hoahy i anjomban’Andrianagnaharey |
Salamo 69:9 |
Jaona 2:13-17 |
Mpitory talily soa |
Isaia 61:1 |
Lioka 4:16-21 |
Manahake o hazavagne jabajabao ty fanompoa’e ta Galilia agne |
Isaia 9:1, 2 |
|
Nanao fahagagagne manahake i Mosesy |
Deoteronomia 18:15 |
Asan’ny Apostoly 2:22 |
Nirehake ty heven’Andrianagnahare manahake i Mosesy |
Deoteronomia 18:18, 19 |
Jaona 12:49 |
Nagnasitragne ndaty maro |
Isaia 53:4 |
|
Tsy tea nisehoseho |
Isaia 42:2 |
|
Nitretré o ndaty nijaleo |
Isaia 42:3 |
|
Nampibaribary tie manao ty rare’e ty Andrianagnahare |
Isaia 42:1, 4 |
|
Mpanolo-tsaigne Mahagaga |
Isaia 9:6, 7 |
Jaona 6:68 |
Nagnambara ty tahinan’Andrianagnahare |
Salamo 22:22 |
Jaona 17:6 |
Nampiasa fagnoharagne |
Salamo 78:2 |
|
Mpitarike |
Daniela 9:25 |
|
Maro ty tsy nino aze |
Isaia 53:1 |
Jaona 12:37, 38 |
Vato manonta |
Isaia 8:14, 15 |
|
Niliere o ndatio |
Salamo 118:22, 23 |
Asan’ny Apostoly 4:10, 11 |
Niheje avao amy izao |
Salamo 69:4 |
Jaona 15:24, 25 |
Nizilike tamam-boninahitse ta Jerosalema tao |
Zakaria 9:9 |
|
Niderà o ajajao |
Salamo 8:2 |
|
Niavy amy ty tahina i Jehovah |
Salamo 118:26 |
Jaona 12:12, 13 |
Nivalike tama’e ty ragne’e maifitse aze |
Salamo 41:9 |
Jaona 13:18 |
Farantsa volafotsy 30 ty nivalihagne tama’e e |
Zakaria 11:12, 13 |
|
Nengà i nama’e rey |
Zakaria 13:7 |
|
Nisy vavolombelogne mavande nanao kitomboke aze |
Salamo 35:11 |
|
Tsy nirehake naho fa nisy nanao kitomboke aze |
Isaia 53:7 |
|
Nandrorà o ndaty |
Isaia 50:6 |
|
Jinera ty loha’e |
Mika 5:1 |
|
Nikaravasiegne |
Isaia 50:6 |
Jaona 19:1 |
Tsy namale ze nijera aze |
Isaia 50:6 |
Jaona 18:22, 23 |
Nipay hevetse hamonoagne aze o manam-pahefàgneo |
Salamo 2:2 |
Lioka 23:10-12 |
Nipehegne tamy ty hatae ty tagna’e naho ty tombo’e |
Salamo 22:16 |
Matio 27:35; Jaona 20:25 |
Natao antsapake ty akanjo’e |
Salamo 22:18 |
Jaona 19:23, 24 |
Natao ho agnisa o mpanotao |
Isaia 53:12 |
|
Tinivetive naho nisalaregne |
Salamo 22:7, 8 |
|
Nijale hoahy o mpanotao |
Isaia 53:5, 6 |
1 Petera 2:23-25 |
Hoe nafoen’Andrianagnahare |
Salamo 22:1 |
|
Nimeigne vinegira naho raha mafaitse |
Salamo 69:21 |
|
Naran-drano taloha kede ty nimateza’e |
Salamo 22:15 |
Jaona 19:28, 29 |
Nankine’e taman’Andrianagnahare ty fiai’e |
Salamo 31:5 |
Lioka 23:46 |
Nagnomey ty fiai’e |
Isaia 53:12 |
|
Nagnomey solovoigne mba hagnafahagne o otao |
Isaia 53:12 |
|
Tsy nitapahegne ty taola’e |
Salamo 34:20 |
Jaona 19:31-33, 36 |
Tinomboke |
Zakaria 12:10 |
Jaona 19:33-35, 37 |
Nalevegne tamy ty kibory ty mpagnarivo tao |
Isaia 53:9 |
|
Natsangagne tamy ty mate |
Salamo 16:10 |
Asan’ny Apostoly 2:29-31 |
Sinolo i namadike azey |
Salamo 109:8 |
Asan’ny Apostoly 1:15-20 |
Nipetrake tan-kavanan’Andrianagnahare eo |
Salamo 110:1 |
Asan’ny Apostoly 2:34-36 |
a Hoe ty Fangalan-kilala (angilé) natao i McClintock naho i Strong: “Azo inoagne tie tamy ty fotoagne nandravagne i Jerosalema ro nipoteke i taratasy nisy ty tetiraza o Jiosioy, fa tsy taloha izay.”
b Maharehake soa i anjara asa i Jesosy tihoe Mesiay i agnara’e amy ty rehake hebreo tihoe Imanoelay. Ty anto’e, tihoe Imanoela le midika tihoe “Manohagne Antika ty Andrianagnahare.” Trea tamy i Jesosy tan-tane etoỳ naho tamy ty raha natao’e fa manohagne o mpanompo’eo ndra magnampe iareo ty Andrianagnahare.—Lioka 2:27-32; 7:12-16.
c Hoe boake amy i rehake hebreo tihoe netser, midika tihoe “tiry” tihoe “Nazareana.”
d Henteo ty lahatsoratse tihoe “Naminany ny Hahatongavan’ny Mesia i Daniela”, naho tea’o ho fantatse amy ty pitsopitso’e tie nagnino ty Baiboly ro mirehake fa tamy taogne 20 ty Mesia ro niavy.
e Amy i boke i Zakaria ao ty misy o faminaniagne iohoe. Faie nirehake ty Matio, mpanoratse Baiboly tie, i ‘Jeremia mpaminany ty nirehake io.’ (Matio 27:9) Misy fitambaram-boke atao tihoe “o Mpaminanio” ty amy Baiboly ao. (Lioka 24:44) Le hoe ty boke i Jeremia ty voaloha’e amo o fizaràgne iohoe ao kindraikindraike. Va’e o fizaràgne iohoe areke ty tea i Matio horehafegne tihoe “Jeremia”, le tagnate’e tao ty boke i Zakaria.
Va'e ho Tea'o Ka
FAMPIANARA TY BAIBOLY
Andramo ty fampianara’ay Baiboly
Afake mianatse Baiboly maimaim-poagne miarake amy ty ndaty hagnampe azo hianatse aze rehe.