Mino zahay Vavolombelo i Jehovah fa Andrianagnahare ty namorogne ze kila raha. Faie tsy inoa’ay ty fampianaragne ila’e miomba ty famorognagne, satria tsy mifagnarake amy ty raha rehafe ty Baiboly. Andao tika handineke ty roe amy izay.

1.   Ty halava i andro enegne tamy i famorognagney rey. Misy ty mino tie naharetse 24 lera iaby ty andro tsikiraidraike tamo o andro enegne tamy i famorognagney rey. Faie va’e hidika ho fotoagne lava ty rehake tihoe “andro” amy Baiboly ao.​—Genesisy 2:4; Salamo 90:4.

2.   Ty fotoagne nisia ty tane toy. Misy ty mino tie vaho agn’arivo’e taogne teo ho eo zay ty nisia ty tane toy. Faie mirehake ty Baiboly tie fa nisy ty tane toy naho i lagnitsey taloha i andro enegne tamy i famorognagney rey. (Genesisy 1:1) Ty dika izay, le tsy liere o Vavolombelo i Jehovah-o ty raha rehafe o mpahay siansao tie fa agn’arivo’e tapetrisa taogne zay ty nisia ty tane toy.

 Ndra tie inoa’ay Vavolombelo i Jehovah aza tie nisy namorogne ze kila raha, le tsy mandietse ty raha rehafe o mpahay siansao zahay. Mino zahay fa mifagnarake ty Baiboly naho ty siansa.