Забур 86:1-17
Дуои Довуд.
86 Эй Яҳува, гӯши худро хам намуда, маро бишнав ва ба дуоям ҷавоб деҳ,Зеро бечораву нотавонам.+
2 Ҷонамро нигаҳ дор, зеро ба ту бовафоям.+
Бандаатро, ки ба ту такя мекунад, наҷот деҳ,Зеро ту Худои манӣ.+
3 Ба ман лутф намо, эй Яҳува,+Зеро тамоми рӯз сӯйи ту мехонам.+
4 Бандаи худро шод гардон,Зеро ба ту, эй Яҳува, рӯ овардаам.
5 Ту, эй Яҳува, неку+ ва бахшандаӣ+Ва аз ҳамаи онҳое, ки туро мехонанд, меҳру вафоятро дареғ намедорӣ*.+
6 Эй Яҳува, дуоямро бишнавВа ба зориҳоям гӯш андоз.+
7 Дар рӯзи тангӣ сӯйи ту мехонам,+Зеро медонам, ки ба ман ҷавоб медиҳӣ.+
8 Эй Яҳува, дар миёни худоён ту ҳамтое надорӣ,+Ва корҳои ту бемислу монанданд.+
9 Ҳама халқҳое, ки ту офаридаӣ, эй Яҳува,Сӯят омада, сари таъзим фуруд хоҳанд овард+Ва номи туро ҷалол хоҳанд дод.+
10 Ту бузургӣ ва корҳоят ҳайратангезанд,+Танҳо ту Худои яккаву ягонаӣ.+
11 Эй Яҳува, роҳатро ба ман таълим деҳ,+То бо роҳи ростият равона шавам.+
Кумакам кун, то бо тамоми дил аз номат битарсам.+
12 Туро, эй Худоям Яҳува, бо тамоми дил ситоиш мекунам.+
Номи туро то абад ҷалол хоҳам дод,
13 Зеро ба ман меҳру вафои бузурге нишон додӣВа ҷонамро аз даруни гӯр раҳо кардӣ.+
14 Худоё, худбоварон бар зидди ман бархестаанд,+Ҷамъи бераҳмон қасди ҷонамро доранд.
Онҳо туро писанд намекунанд.+
15 Аммо ту, эй Яҳува, Худои меҳрубону дилсӯзӣ,Пурсабр* ва пур аз меҳру вафову ростӣ ҳастӣ.+
16 Ба ман рӯ ор ва лутф намо,+Ба бандаат қувват бидеҳ+Ва ҷони писари канизатро халос кун.
17 Ба ман аломати некуиятро нишон деҳ,То бадбинонам онро дида, шарманда шаванд,Зеро ту, эй Яҳува, мададгору дилбардори манӣ.