AWAKE! Namba 2 2018 | Saan Icombor Igen Iyol sha Ci u Atôakyaa 12 Ne
Saan Icombor Igen Iyol sha Ci u Atôakyaa 12 Ne
Ka se ungwa akaa kpishi a icombor igen i eren shami ga ve i lu ken zayol yô. Kpa de se nenge akaa i icombor igen i eren ve i saan i iyol la.
Mough ken inyom i 1990 va ken inyom i 2015 la, yange ior mba hemban anyom 50 pav ivaa hemba ave a tse, kpa mba hemban anyom 65 hemba paven ivaa cii.
Mbamaren kera fa kwagh u vea er ga: Ior mbagenev mba ve we ior kwagh sha kwagh u ivesegh yô ka ve kaa ér mbamaren ve wuese mbayev vev hanma shighe cii, mbagen di ka ve kaa ér i tsahan mbayev sha er vea fa kwagh yô.
Agumaior nga hingir mbaganden a u fan akaa a i gbe u vea fa ve vea lu ior mba injaa la shio.
Nahan kpa, jighilii yô . . .
Ivese ia fatyô u nan a saan or iyol shi ia lu igbekeke.
Mbamaren vea fatyô u henen gbenda u tsahan mbayev vev sha dooshima.
Agumaior aa fatyô u henen akaa a vea va hingir mbaganden ve vea eren yô.
Vea er kwagh ne nena? Awake! ne una time sha akaa 12 a icombor igen i eren ve i saan i iyol yô.
1: Ka Ve Ver Ishima sha Ivese Ve
Akaa atar a aa wase noov man kasev u lun imôngo yô.
2: Ka Ve Eren Kwagh ken Mzough
Kwase wou shin nomou eren kwagh a we inja er ne mba tsan ken iyou i môm di tsô nahana?
3 Ka Ve Eren Kwagh sha Icivir
Fa akaa a hange hange a u ôron a nomou shin kwase wou, man a u eren a na ve una nenge ér u ne un icivir yô.
4: Ka Ve De Or Kwaghbo
Shighe u u nenge a mbamyen mba nomou shin mba wase wou yô, ka nyi ia wase u ve u gba den kera tsô?
5: Ka Ve Lamen Vea Mbayev Vev
Akaa a tar a aa wase ne u lun kôôsôô vea mbayev enev yô.
6: Ka Ve Tsahan Mbayev Vev
Ka a tsahan wanye yô, nan kera nenge iyol i nan ér nan gba kwagh gaa?
7: Ka Ve Tesen Mbayev Aeren a Dedoo
Ka aeren a nyi nahan i doo u ne tesen mbayev eneve?
8: Ka Ve Ver Mbayev Ikyav i Dedoo
Aluer ne soo ner mbayev enev ve ungwan kwaghwan wen yô, saa ne eren kwagh u ne tesen ve la.
9: Ka Ve Fa Kwagh u Ve Lu sha Mi Yô
Agumaior aa er nena ve aa tile dông sha akaa a ve ne jighjigh a mi laa?
10: Ka Ve Eren Kwagh sha Mimi
U eren kwagh sha gbenda u mbamaren ou vea na u jighjigh la ka kwagh u vesen u wan we ago iyol u va lun organden u eren kwagh sha inja.
11: Ka Ve Eren Tom sha Gbashima
Aluer u ngu henen u eren tom sha gbashima er u lu gumor ne yô, kwagh la u una wase u u hingir u eren hanma kwagh tsembelee ken uma wou.
12: Ka Ve Tsua Akaa a Ve Soo u Eren Yô
Aluer u ngu eren akaa a u tsua u eren la yô, u hemba lun a vangertiôr u eren agen kpaa, shi azende a ou aa hemba lun vea we kangenaa, shi a hemba saan we iyol.
Kwagh Ugen u a Wasen Icombor Yô
Kwaghwan u Bibilo una na ivese yen ia doo shi a saan ne iyol hen tsombor wen.
