MAYO 22, 2023
RUSSIA

“Normal Lang Matakot, Pero Nasa sa Iyo Kung Lalakasan Mo ang Loob Mo”

I-PLAY

Noong Marso 24, 2023, hinatulan ng Zheleznodorozhny District Court of Krasnoyarsk si Sister Nataliya Voropaeva at pinagmulta ng 360,000 rubles ($4,730 U.S.).

Profile

Nataliya Voropaeva

Ipinanganak: 1971 (Krasnoyarsk)

Maikling Impormasyon: Nagtatrabaho bilang hairdresser

Nagtataka kung bakit napakaraming pagdurusa kahit may Diyos. Ipinakita ng mga Saksi ni Jehova ang sagot ng Bibliya sa mga tanong niya. Nabautismuhan noong 1996

Personal na mga Komento

Paano ka tinulungan ng mga kapatid?

Sa huling bahagi ng mga sinabi ni Brother Feliks Makhammadiyev sa korte, sabi niya: “Kung wala kang mga kaibigan, para kang nabubuhay nang walang liwanag ng araw.” Sang-ayon ako sa sinabi niya. Liwanag sa buhay ko ang mga kaibigan ko. Noong iniimbestigahan ng mga pulis ang kaso ko, nahulog ako at nabali ang binti ko. Dalawang buwan akong naka-cast pagkatapos maoperahan. Ginawa ng mga kapatid ang lahat ng magagawa nila para patibayin at tulungan ako. Nagbigay sila ng transportasyon, nag-grocery, at ipinagluto ako ng pagkain. At mahigit 100 sa kanila ang nagpunta sa korte nang sentensiyahan ako. Nagpapasalamat kay Jehova na ibinigay niya sa akin ang mga kaibigan ko. Ipinaalala ng suporta nila sa akin na walang makakahadlang sa pag-ibig ni Jehova para sa akin.

Anong natutuhan mo mula karanasang ito?

Natutuhan ko na normal lang matakot, pero nasa sa iyo kung lalakasan mo ang loob mo. Lalong lumalakas ang loob ko dahil alam kong sinasang-ayunan ako ni Jehova. Habang pinapatibay ko ang kaugnayan ko kay Jehova at binabasa ang Salita niya araw-araw, mas nakikita ko kung paano niya ako tinutulungan. Kumbinsido ako na hindi ako iiwan ni Jehova.

Gaya ni Nataliya, siguradong “lalakas ang loob natin at masasabi natin: ‘Si Jehova ang tumutulong sa akin; hindi ako matatakot.’”—Hebreo 13:6.

Time Line

Nobyembre 2017–Nobyembre 2020

Minamanmanan ng mga pulis at hinalughog ang apartment. Sumailalim sa interogasyon bilang bahagi ng imbestigasyon laban kay Brother Andrey Stupnikov
Setyembre 5, 2022

Sinampahan ng kasong kriminal
Setyembre 6, 2022

Pinagbawalang bumiyahe
Oktubre 20, 2022

Inakusahan ng korte ng paggawa ng isang krimen
Pebrero 27, 2023

Nagsimula ang paglilitis
Marso 24, 2023

Pinagmulta ng 360,000 rubles ($4,730 U.S.)

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE