Mga Awit 16:1-11
Miktam* ni David.
16 Ingatan mo ako, O Diyos, dahil nanganganlong ako sa iyo.+
2 Sinabi ko kay Jehova: “Ikaw si Jehova; galing sa iyo ang lahat ng mabubuting bagay na mayroon ako.
3 At ang mga banal sa lupa,Ang mararangal, ay nagpapasaya sa akin.”+
4 Dumarami ang kirot ng mga naglilingkod sa ibang diyos.+
Hindi ako magbubuhos ng dugo bilang handog na inumin para sa kanila,At hindi ko babanggitin ang pangalan nila.+
5 Si Jehova ang aking bahagi+ at ang aking kopa.+
Iniingatan mo ang aking mana.
6 Magaganda ang mga lugar na sinukat mo at ibinigay sa akin.
Kontento ako sa aking mana.+
7 Pupurihin ko si Jehova, na nagpapayo sa akin.+
Kahit sa gabi, itinutuwid ako ng kaloob-looban ng aking isip.*+
8 Laging nasa isip ko si Jehova.+
Dahil nasa kanan ko siya, hindi ako matitinag.*+
9 Kaya nagsasaya ang puso ko, at nagagalak ang buo kong pagkatao.*
At panatag ako.
10 Dahil hindi mo ako* iiwan sa Libingan.*+
Ang tapat sa iyo ay hindi mo hahayaang mapunta sa hukay.*+
11 Ipinaaalam mo sa akin ang daan ng buhay.+
Sa presensiya* mo ay may lubos na kagalakan;+May kaligayahan sa iyong kanang kamay magpakailanman.
Talababa
^ O “ng kaibuturan ng aking damdamin.” Lit., “ng aking mga bato.”
^ O “susuray.”
^ Lit., “ang aking kaluwalhatian.”
^ O posibleng “hahayaang mabulok.”
^ Lit., “mukha.”