Leza wakasimpe ngunguwe Mulengi wazintu zyoonse. Takwe matalikilo alimwi takoyoofwa pe. (Intembauzyo 90:2) Makani mabotu ajanika muBbaibbele aazwa kulinguwe. (1 Timoteo 1:11) Tweelede kukomba Leza alikke, nkaambo nguwe wakatupa buumi.​—Bala Ciyubunuzyo 4:11.

Takwe muntu wakalibwene Leza, nkaambo Muuya. Eezi zyaamba kuti mupati kwiinda zilenge zyoonse zipona aanyika. (Johane 1:18; 4:24) Nikuba boobo tulakonzya kubona bube bwaLeza kuzintu nzyaakalenga. Mucikonzyanyo, micelo amaluba zisiyene-siyene zitondezya luyando abusongo bwakwe. Bupati bwamulenga bututondezya nguzu zyakwe.​—Bala baRoma 1:20.

Tulakonzya kwiiya zyiingi atalaa bube bwaLeza kwiinda mukubala Bbaibbele. Mucikozyanyo litubuzya ziyandwaa Leza anzyatayandi, ubajata biyeni bantu, akuti ulimvwa biyeni muzyimo zisiyene-siyene.​—Bala Intembauzyo 103:7-10.

Jesu wakati: “Taatesu ulikujulu alilemekwe zina lyako.” (Matayo 6:9) Nikuba kuti Leza ulamazina miingi akulemeka, pesi, ulazina lyomwe biyo. Liitwa munzila zisiyene-siyene mumulaka umwi aumwi. MuciTonga liitwa kuti “Jehova.” Pesi bamwi bantu baliita kabati “Yahweh.”​—Bala Intembauzyo 83:18.

MumaBbaibbele miingi izina lyaLeza lyakagwisigwa, mpawo kwabikwa akulemeka atii Mwami naa Leza. Pesi cindi nolyakalembwa Bbaibbele, izina lyaLeza lyakali kujanika  kuziindi zyinda ku 7 000. Jesu wakazibisya zina lyaLeza aawo nakali kubayiisya bantu atalaa Leza.​—Bala Johane 17:26.

Yeebela kavidiyo kategwa Leza Ulaazina Na?

Ino kuvula kwamapenzi munyika kwaamba kuti Jehova nguLeza utakwe ndaba andiswe na? Bamwi bantu batii Leza utweetela mapenzi kayanda kutusunka. Pesi eci tensi coonzyo pe.​—Bala Jakobo 1:13.

Leza wakapa bantu inguzu zyakuti balisalile. Tatweelede kutondezya kulumba lwaangunuko oolu kwiinda mukukomba Leza na? (Joshua 24:15) Nikuba boobu bantu biingi bacita zintu zibi kuli bamwi nkikaako mapenzi ncavulide. Kutalulamisya ooko kulamucisa Jehova.​—Bala Matalikilo 6:5, 6.

Jehova nguLeza ulaandaba andiswe. Uyanda kuti tubotelwe mubuumi. Lino-lino uyoomanisya mapenzi abaabo bawetelezya. Kwalino ulatwaambo tumvwika tupa kuti azumizye mapenzi kwacindi cifwifwi. Muciiyo 8 tuyoyiiya atalaa twaambo ootu.​—Bala 2 Petro 2:9; 3:7, 13.

Jehova ututamba kuti tuswene afwifwi anguwe kwiinda mukwambulaa nguwe munkombyo. Ulaandaba kuli umwi aumwi wesu. (Intembauzyo 65:2; 145:18) Ulaaciyandisyo cakutulekelela. Ulaakubona kweezya kwesu kuti tumubotezye nikuba kuti zimwi ziindi tulakacilwa. Tulakonzya kubotelwa kuba abwenzuma bulaafwifwi aLeza nikuba kuti tatumaninide.​—Bala Intembauzyo 103:12-14; Jakobo 4:8.

Tweelede kuyanda Jehova kwiinda kufumbwa umwi muntu, nkaambo nguwe wakatupa buumi. (Marko 12:30) Mbuutondezya luyando lwako kuli Leza kwiinda mukwiiya zyingi atalaa nguwe akucita nzyayanda, uyosweena loko kuli nguwe.​—Bala 1 Timoteo 2:4; 1 Johane 5:3.