‘Amwaambilizye Makani Mabotu!’
Muswaangano Wacooko wa Bakamboni ba Jehova Wamu 2024
Takubbadelesyegwi amulyango • Takwiinzyigwi mbale yakulombelela mali
Twaambo Tupati-pati Mupulogilamu
Buzuba Bwakusaanguna: Muyoobona bumboni butondezya kuti makani mabotu aamba kujatikizya Jesu Mumabbuku aa Makani Mabotu aamba zintu ziluzi izyabuumi bwakwe. Muyakwiiya zibalo zyamu Bbaibbele eezyi mbozikonzya kutugwasya mazuba aano.
Buzuba Bwabili: Ino ncinzi cakasinsimwa kujatikizya kuzyalwa kwa Jesu ambwaakali kuyaabukomena, alimwi sena businsimi oobo bwakazuzikizyigwa ncobeni?
Buzuba Bwatatu: Mumakani aayeeme a Bbaibbele aakuti “Ncotutayoowi Kumvwa Makani Mabi,” muyoozyiba kaambo mamiliyoni aabantu mazuba aano ncobajisi twaambo tubapa kulimvwa kukwabililwa akuba alusyomo nokuba kuti bukkale munyika buyaabwiindila kubija.
Vidiyo Iiyeeme aa Bbaibbele
Makani Mabotu Aamba Zyamulimo wa Jesu: Vidiyo 1
Mumuni Wini-wini Wanyika
Kuzyalwa kwa Jesu camaleele kwakali akati kazintu zinji ziyandika kapati izyakacitika mubuumi bwakwe naakacili mwana. Bazyali bakwe bakatijila ku Egepita antoomwe anguwe, nkaambo mwami wakali kuyanda kumujaya. Mukuya kwaciindi, wakagambya bamayi bamwi ibakali kusyomwa aciindi eeco. Muyoozibona zintu eezyi azimbi zinji muvidiyo iijisi zibeela zyobilo mu Buzuba Bwakusaanguna a Bwabili.
Amweebelele mavidiyo aaya aajatikizya muswaangano wacooko wamwaka uuno
Ncinzi Cicitika Kumiswaangano Yesu Yacooko?
Amuzyibe ncomukonzya kulangila kumuswaangano wacooko wa Bakamboni ba Jehova.
Muswaangano Wacooko wa Bakamboni ba Jehova Wamu 2024 Wakuti ‘Amwaambilizye Makani Mabotu!’
Amubone nzyotuyakwiiya kumuswaangano wacooko wamwaka uuno.
Kadyonko Kavidiyo Iiyeeme a Bbaibbele: Makani Mabotu Aamba Zyamulimo wa Jesu
Bantu banji balaazyi maleele aakuzyalwa kwa Jesu. Pele ino zintu nzi izyakacitika kabutanasika buzuba oobu bukkomanisya alimwi anobwakainda?