God i Tok Promis Long Pinisim Sik Bilong Tingting
Long rot bilong Baibel, God i givim edvais na tok bilong mekim isi bel bilong ol man i karim hevi bilong sik bilong tingting.
Tasol i no dispela tasol, em i mekim sampela samting moa. Em i tok promis long rausim olgeta samting we i mekim na ol man i kisim sik bilong tingting.
God bai inapim dispela tok promis bilong em. Pen na hevi bilong sik bilong tingting na ol memori bilong ol samting nogut i bin painim man, em bai i no inap ‘tingim gen ol dispela samting bilong bipo, na long bel, em i no inap tingim na pilim gen ol dispela samting.’—Aisaia 65:17.
Ol Witnes Bilong Jehova bai amamas long helpim yu long kisim save long wanem taim na hau bai God i inapim dispela gutpela tok promis.