Misava Leyi Taleke Hi Maxangu—Xana U Nga Hanya Njhani Eka Yona?
Xana wa xaniseka hikwalaho ka swiyimo leswi nyanyaka ku biha laha misaveni namuntlha? Xana u langutana ni swiphiqo swo fana ni leswi nga laha hansi emugangeni lowu u tshamaka eka wona?
tinyimpi
mintungu
timhangu ta ntumbuluko
vusweti
rivengo
vugevenga
Loko ku endleka swilo swo biha, vanhu vo tala lava khumbekeke va tsemeka nhlana ni ku heleriwa hi ntshembo. Kasi van’wana va tlanyarile hambiloko swilo swo biha swi ya emahlweni swi va humelela. Kambe loko u langutane ni nhlomulo ivi u tsemeka nhlana kumbe mbilu yi tlanyala, sweswo swi nyanyisa xiyimo.
Loko u weriwe hi khombo u fanele u teka goza hi xihatla ro sirhelela vanhu lava u va rhandzaka, rihanyo ra wena, ntirho wa wena ni ntsako wa wena.
Hi swihi leswi u nga swi endlaka sweswi loko u langutana ni maxangu ya misava leyi?
