Apo ŵanthu ŵakwenjerwa chifukwa chakuti masuzgo ghazura mu charu, ŵanandi ŵakuzerezga ŵabwezi ŵawo.

• Ŵanthu ŵanyake ŵakuleka kuchezga na ŵabwezi ŵawo.

• Ŵakutorana ŵakulutilira kuleka kuchitirana vinthu mwalusungu.

• Ŵapapi ŵakuŵikako mahara viŵi yayi ku masuzgo gha ŵana ŵawo.

• Ŵabwezi mbakukhumbikwa chifukwa ŵangatovwira kuti tiŵe na umoyo uwemi, kweniso tighanaghanenge makora, chomenechomene panyengo ya masuzgo.

• Kusuzgika maghanoghano uko kungaŵapo chifukwa cha masuzgo, kungapangiskaso masuzgo ghanyake mu banja.

• Vinthu ivyo ŵana ŵinu ŵangapulika panji kuwona pa nyuzi, vingaŵatimbanizga chomene maghanoghano kuluska umo imwe mukughanaghanira.

Ivyo Baibolo Likusambizga: “Mubwezi wanadi wakutemwa nyengo zose, ndipo ni mubali uyo wali kubabikira kovwira mu suzgo.”—Zintharika 17:17.

Ghanaghanirani za munthu uyo wakumovwirani na kumupani ulongozgi wakovwira. Kumanya fundo yakuti pali munthu munyake uyo wakumughanaghanirani vingamupani nkhongono kuti muzizipizge para mwasangana na suzgo.