Khoti la mu Msumba wa Kurgan ku chigaŵa cha Kurgan sonosono apa lipelekenge chigamuro chake chakukhwaskana na mulandu wa Mubali  Anatoliy Isakov. Uyo wakwimira boma pa milandu wandayowoye chilango icho mubali uyu wangapika.

Tikuwonga chiyelezgero cha Anatoliy pakujipeleka kweniso kugomezgeka nangauli wakusangana na masuzgo ghanandi. Kweniso ndise ŵakukondwa kumanya kuti nanga tingakumana na masuzgo ghanandi wuli, Yehova waŵenge ‘jalawe la mitima yithu.’—Salimo 73:26.

1. July 13, 2021

   Ŵakamujulira mulandu

2. July 14, 2021

   Ŵakasecha nyumba yake. Wakajalirika mu jele lakulindilirako

3. July 15, 2021

   Ŵakaluta nayo ku malo ghakulindilirako mulandu

4. July 21, 2021

   Ŵakachita apilu ku Dipatimenti ya vya Umoyo ku Chigaŵa cha Kurgan kuti Anatoliy wafumiskike na chilato chakuti wakambe kupokera wovwiri wa matenda ya kansa

5. August 28, 2021

   Wakafumiskika mu jele lakulindilirako mwakuyana na ivyo Khoti Lakuwona vya Wanangwa wa Ŵanthu la ku Europe likadumura. Wakakanizgika kwenda kuluta ku vigaŵa vinyake

6. July 6, 2023

   Khoti likamba kutegherezga mulandu wake