Deuteronomi 32:1-52
32 “A horoa mai i te tariˈa faaroo, e te raˈi e, e e paraparau vau,E ia faaroo te fenua i te mau parau a to ˈu vaha.
2 E topa ta ˈu haapiiraa mai te ûa.E tahe mai ta ˈu mau parau mai te hupe,Mai te ûa toriri i nia iho i te aihereE mai te ûa rahi i nia iho i te raau tupu.
3 E faaite hoi au i te iˈoa o Iehova.+
A faatia i te rahi o to tatou Atua!+
4 Te Mato, mea tia roa ta ˈna ohipa,+E eˈa parau-tia anaˈe hoi to ˈna.+
E Atua haapao maitai,+ aita roa to ˈna e parau-tia ore.+Mea parau-tia e mea afaro oia.+
5 O ratou tei rave i te ohipa viivii.+
E ere ratou i te tamarii na ˈna, no ratou te hape.+
E uˈi ino e te piˈo ratou!+
6 Mai tera anei ia rave outou ia Iehova,+E teie nunaa maamaa e te paari ore?+
E ere anei oia to outou Metua tei poiete ia outou,+Oia tei hamani e tei haamau papu ia outou?
7 A haamanaˈo i te mau mahana i tahito ra.A feruri i te mau matahiti o te mau uˈi tei mairi.
A ui i to metua tane, e e nehenehe ta ˈna e parau ia oe,+I to mau matahiapo, e na ratou e faaite ia oe.
8 I to Tei Teitei Roa ˈˈe horoaraa i to ratou fenua i te mau nunaa,+I to ˈna haapurararaa i te mau tamarii a Adamu,*+Ua haamau oia i te otia o te mau nunaa+Ia au i te rahi o te mau tamarii a Iseraela.+
9 Ta Iehova hoi tuhaa, o to ˈna ïa nunaa.+O Iakoba ta ˈna tuhaa.+
10 Ua ite mai oia ia ˈna i te hoê fenua medebara+E te hoê vahi aoaoa e te ano.+
Ua haaati oia ia ˈna no te paruru ia ˈna, ua aupuru ia ˈna,+E ua tiai ia ˈna mai te orio o to ˈna mata.+
11 Mai te hoê aeto e faaaraara i to ˈna ofaaraa,A rere ai na nia ˈˈe i ta ˈna mau fanauˈa,Ma te haamahora i to ˈna na pererau, ma te rave ia ratou,Ma te amo ia ratou i nia i to ˈna na pererau,+
12 Na Iehova anaˈe i aratai ia ˈna.*+Aita e atua ê i pihai iho ia ˈna.+
13 Ua faahaere oia ia ˈna na nia iho i te mau vahi teitei o te fenua,+A amu atu ai oia i te maa o te fenua.+
Ua faaamu oia ia ˈna i te meri no roto i te matoE te hinu no roto i te tahi mato paari,
14 Te pata o te puaatoro e te û o te mamoe e puaaniho,Oia atoa te mamoe maitai roa ˈˈe,*E te mamoe oni no Basana, e te puaaniho oni,Oia atoa te sitona maitai roa ˈˈe.*+E i inu na oe i te uaina hamanihia i te pape vine.*
15 I to Iesuruna* poriaraa, ua patu oia i to ˈna fatu ma te orure hau.
Ua poriahia oe, ua teiahahia, ua rahi to oe opu.+
Ua faarue ïa oia i te Atua, tei hamani ia ˈna,+E ua vahavaha i te Mato o to ˈna faaoraraa.
16 Ua faatihaehae ratou ia ˈna i te mau atua ěê.+Te faainoino ra ratou ia ˈna i te mau mea hairiiri.+
17 Te pûpû ra ratou i te tusia i te mau demoni eiaha i te Atua,+I te mau atua aita ratou i ite o vai,E atua apî tei fa noa mai nei,E atua aita to outou mau tupuna i ite o vai.
18 Ua moˈe ia oe te Mato,+ to metua,E aita oe i haamanaˈo i te Atua tei fanau ia oe.+
19 I to Iehova iteraa i te reira, faarue ihora oia ia ratou+No te mea ua faainoino ta ˈna mau tamaiti e ta ˈna mau tamahine ia ˈna.
20 Na ô ihora ïa oia: ‘E huna vau i to ˈu aro ia ratou,+Ia ite au eaha to ratou hopea.
E uˈi piˈo hoi ratou,+E tamarii e ere mea haapao maitai.+
21 Ua faatupu ratou i to ˈu hae* i te mau mea e ere i te atua,+Ua faainoino ratou ia ˈu i ta ratou mau idolo faufaa ore.+
E faatupu ïa vau i to ratou pohehae i te mau mea e ere i te nunaa,+E faainoino vau ia ratou i te hoê nunaa maamaa.+
22 E auahi hoi tei ama i to ˈu riri+O te ura tae roa i te hohonuraa o te Apoo,*+E pau te fenua e to ˈna maa i te reiraE e paapaa te niu o te mau mouˈa.
23 E faarahi au i to ratou mau ati,E haapau roa vau i ta ˈu mau teˈa i nia ia ratou.
24 E paruparu roa ratou i te poia+E e pau ratou i te fiva rahi e te haamouraa riaria.+
E faatae atu vau i te niho o te mau animara i nia ia ratou+E te taero o te mau animara nee haere na nia i te repo.
25 E faaere te ˈoˈe i to rapae i ta ratou mau tamarii,+E riaria to roto+Te tane apî e te vahine apî,Te aiû e te taata rouru hinahina atoa.+
26 E parau vau: “E haapurara vau ia ratouIa ore te taata e haamanaˈo faahou ia ratou,”
27 Te taiâ nei râ vau i ta te enemi e rave,+No te mea e nehenehe e hape te manaˈo o te enemi i te reira.+
E parau ïa ratou: “Ua upootia to matou mana,+E ere na Iehova i rave i teie mau mea atoa.”
28 E nunaa feruri ore hoi ratou,*E aita ratou e taa ra.+
29 Ahani e feruriraa paari to ratou!+ E feruriruri ïa ratou i te reira.+
E feruri ïa ratou i to ratou hopea.+
30 E nafea e haere ai i te hoê noa taata ia aˈuaˈu 1 000,E e horo ê ai 10 000 i e piti taata+
Ahani aita to ratou Mato i hoo atu ia ratou+E aita Iehova i tuu atu ia ratou i to ratou enemi?
31 E ere to ratou mato mai to tatou Mato,+Ua taa i to tatou atoa mau enemi te reira.+
32 No roto mai hoi ta ratou vine i te vine a SodomaE no roto mai i te mau faaapu vine a Gomora.+
E vine taero ta ratou mau vine,Mea avaava ta ratou mau peenave vine.+
33 O te taero o te ophi ta ratou uaina,Te taero pohe o te asepi.
34 E ere anei tei ia ˈu nei te reira i te vairaa,Ua titirohia i roto i ta ˈu fare vairaa taoˈa?+
35 Na ˈu e tahoo e e faahoˈi,+I te taime faataahia e pahee ai to ratou avae,+Te piri mai ra hoi te mahana o to ratou ati,E e tae oioi mai te mea e tiai mai ra ia ratou.’
36 E haava hoi Iehova i to ˈna nunaa,+E e aroha* oia i ta ˈna mau tavini,+Ia ite oia e ua iti roa mai to ratou puai,E o te taata ravea ore anaˈe e te paruparu te toe mai.
37 E e parau oia: ‘Teihea to ratou mau atua,+Te mato i reira ratou i te imiraa i te haapuraa,
38 O vai tei amu noa na i te mii o ta ratou mau tusia,*Tei inu noa na i te uaina o ta ratou mau tusia uaina?+
Ia tia mai ratou e ia tauturu ia outou.
Ia riro ratou ei vahi haapuraa no outou.
39 A hiˈo na i teie nei e o vau, o vau ïa,+E aita e atua ê atu ia ˈu.+
Na ˈu e haapohe, e na ˈu e horoa i te ora.+
Na ˈu e tairi,+ e na ˈu e faaora i te maˈi,+E aita hoê aˈe e nehenehe e faaora mai to ˈu rima mai.+
40 E amo hoi au i to ˈu rima i nia i te raˈi,E e horeo vau: “Te horeo nei au i to ˈu nei ora e a muri noa ˈtu,”+
41 Ia faaoi au i ta ˈu ˈoˈe anaanaE ia faaineine au i to ˈu rima no te haavaraa,+E faahoˈi au i te tahooraa i nia i to ˈu mau enemi+E e faahoˈi au i ta tei hae mai ia ˈu.
42 E faataero vau i ta ˈu mau teˈa i te toto,I te toto o tei haapohehia e tei tapeahia,E e amu ta ˈu ˈoˈe i te iˈo,I te mau upoo o te mau aratai o te enemi.’
43 A oaoa outou te mau nunaa, e to ˈna atoa mau taata,+E tahoo hoi oia i te toto o ta ˈna mau tavini,+E faahoˈi oia i te tahooraa i nia i to ˈna mau enemi+E e pûpû oia i te faahauraa no* te fenua o to ˈna mau taata.”
44 Haere atura ïa Mose e faahiti atura i te mau parau atoa o tera himene i te tariˈa o te nunaa,+ raua Hotea*+ te tamaiti a Nuna.
45 I te otiraa ia Mose i te faahiti i teie mau parau atoa ia Iseraela taatoa,
46 na ô atura oia ia ratou: “A feruri maite i roto i to outou aau i teie mau faaararaa atoa na ˈu ia outou i teie mahana,+ ia nehenehe outou e faaue i ta outou mau tamarii ia rave maitai pauroa te parau o teie Ture.+
47 E ere hoi teie i te parau faufaa ore no outou, e riro râ te reira ei ora no outou,+ e na roto i teie parau e nehenehe ai outou e ora maoro i te fenua ta outou e fatu i te tahi atu pae o Ioridana.”
48 Na ô maira Iehova ia Mose i taua mahana ra:
49 “A pauma i nia i teie mouˈa no Abarima,+ te mouˈa Nebo,+ i te fenua o Moabi, o te fariu ra i Ieriko, e a hiˈo atu i te fenua o Kanaana, o ta ˈu e horoa nei no te ati Iseraela ia fatu ratou.+
50 E pohe oe i nia i te mouˈa o ta oe e pauma ra a amuihia ˈtu ai oe i to oe mau taata,* mai ia Aarona to tuaana i pohe i nia i te mouˈa Hora+ a amuihia ˈtu ai oia i to ˈna mau taata,
51 no te mea ua taiva orua ia ˈu i rotopu i te ati Iseraela i te pape i Meriba+ i Kadesa i te medebara o Zîna, no te mea aita orua i haamoˈa ia ˈu i mua i te nunaa o Iseraela.+
52 E ite oe i te fenua na te atea, eita râ oe e tomo i te fenua ta ˈu e horoa nei no te nunaa o Iseraela.”+
Nota i raro i te api
^ Huri-atoa-hia “te huitaata.”
^ Oia hoi o Iakoba.
^ Heb: “te mii o te mamoe.”
^ Heb: “te rito o te sitona.”
^ Heb: “toto o te vine.”
^ “Taata afaro” te auraa, e tiaraa faaturahia o Iseraela.
^ Aore ra “pohehae.”
^ Huri-atoa-hia “tariˈa turi hoi ratou i te aˈoraa.”
^ Aore ra “oto.”
^ Aore ra “i ta ratou mau tusia maitai roa ˈˈe.”
^ Aore ra “e tamâ i.”
^ Te iˈoa matamua o Iosua. Hotea, e haapotoraa ïa no Hotaia, e “Faaorahia e Ia,” “Na Ia i faaora” te auraa.
^ E parau pehepehe teie no te pohe.
