Salamo 37:1-40
Salamo a Davida.
א [Alepha]
37 Eiaha e inoino no te feia ohipa ino,Eiaha atoa e pohehae i te huru o te feia ohipa ino.+
2 E maemae oioi ratou mai te aihere.+Oia, e maemae ratou mai te matie apî.
ב [Beta]
3 A tiaturi ia Iehova e a rave i te mea maitai.+A parahi i te fenua nei e a haa ma te haapao maitai.+
4 Ia oaoa roa oe ia Iehova,E e horoa mai oia i ta to aau e hinaaro ra.
ג [Gimela]
5 A vaiiho na Iehova e aratai ia oe.+A turui i nia ia ˈna e na ˈna e tauturu ia oe.+
6 E faaanaana oia i to parau-tia mai te aahiata,E te mau ohipa parau-tia ta oe e rave, mai te mahana i te avatea.
ד [Daleta]
7 A mamû i mua ia Iehova+E a tiai maite ia ˈna.
Eiaha e inoino i te taataO te manuïa ra i te faatupu i ta ˈna mau opuaraa iino.+
ה [He]
8 A tuu i te riri e a faarue i te riri rahi.+Eiaha e inoino a rave atu ai i te mea ino.*
9 E haamouhia hoi te feia ohipa ino,+E fatu râ te feia o te tiaturi ia Iehova i te fenua.+
ו [Vau]
10 Tau taime â, e aita faahou te feia ino.+E hiˈo oe i to ratou vahi,Eita râ oe e ite ia ratou i reira.+
11 E fatu râ te feia mǎrû i te fenua,+E e au roa ratou i te rahi o te hau.+
ז [Zaina]
12 Te opua ra te taata ino i te tahi ohipa i nia i te taata parau-tia.+Te mauu ra to ˈna niho ia ˈna.
13 E ata râ Iehova ia ˈna,Ua ite hoi Oia e te piri mai ra to ˈna mahana.+
ח [Heta]
14 Te huti ra te feia ino i ta ratou ˈoˈe e te huti ra i ta ratou fanaNo te taparahi pohe i tei haavîhia e te veve,No te haapohe i tei afaro te eˈa.
15 O to ratou iho râ aau te puta i ta ratou mau ˈoˈe.+E ofatihia ta ratou mau fana.
ט [Teta]
16 Mea maitai aˈe te faufaa haihai a te taata parau-tiaI te taoˈa rahi a te rahiraa feia ino.+
17 E fati hoi te rima o te feia ino,E turu râ Iehova i te feia parau-tia.
י [Ioda]
18 Ua ite Iehova i ta te feia hapa ore e faaruru ra,*E e vai ta ratou tuhaa e a muri noa ˈtu.+
19 Eita ratou e haama i te tau o te ati.E rahi ta ratou maa i te tau oˈe.
כ [Kapha]
20 E pohe râ te feia ino.+E mou te mau enemi o Iehova mai te mau vahi aihere ruperupe ra.E pee ratou mai te au auahi.
ל [Lameda]
21 Te tipee ra te taata ino ma te ore e faahoˈi,Mea horoa râ te taata parau-tia ma te aau tae.*+
22 Te feia ta te Atua i haamaitai, e fatu ratou i te fenua,E haamouhia râ te feia ta ˈna i faatae atu i te ino.+
מ [Mema]
23 Ua mauruuru anaˈe Iehova i te haerea o te hoê taata+E aratai* oia i to ˈna taahiraa avae.+
24 Ia hiˈa noa ˈtu oia, e ore oia e taorahia i raro,+Te turu nei hoi Iehova ia ˈna i to ˈna rima.+
נ [Nuna]
25 I vai apî na vau e ua ruhiruhia i teie nei,Aita râ vau i ite i te taata parau-tia i te faarueraahia+E ta ˈna mau tamarii i te imiraa i te faraoa.*+
26 Te horoa noa ra oia ma te hamani maitai,+E te tiai ra ta ˈna mau tamarii i te tahi haamaitairaa.
ס [Sameha]
27 A fariu ê atu i te ino e a rave i te mea maitai,+E ora oe e a muri noa ˈtu.
28 Mea au na Iehova i te parau-tia,E eita oia e faarue i tei ore i taiva ia ˈna.+
ע [Oina]
E paruru-noa-hia ratou.+Te huaai râ o te feia ino, e haamouhia ïa.+
29 E fatu te feia parau-tia i te fenua,+E e parahi ratou i nia iho e a muri noa ˈtu.+
פ [Pe]
30 Te faaite nei te vaha o te taata parau-tia i te paari,E te faaite ra to ˈna arero no nia i te parau-tia.+
31 Tei roto te ture a to ˈna Atua i to ˈna aau.+Eita to ˈna avae e hee ia haere oia.+
צ [Sadi]
32 Te hiˈo ra te taata ino i te taata parau-tia,A imi ai i te haapohe ia ˈna.
33 Eita râ Iehova e faarue ia ˈna i te rima o taua taata ra,+E eita oia e faahapa ia ˈna ia haavahia oia.+
ק [Kopha]
34 A tiaturi ia Iehova e a pee i to ˈna eˈa,E faateitei ïa oia ia oe ia fatu oe i te fenua.
Ia haamouhia te feia ino,+ e ite oe i te reira.+
ר [Resa]
35 Ua ite au i te taata ohipa ino e te taehaeE tupu ra mai te hoê tumu raau ruperupe i to ˈna ra vahi.+
36 Ua mou râ oia e ua moˈe.+Ua imi noa vau ia ˈna, aita râ oia i itea mai.+
ש [Sina]
37 A tapao na i te taata hapa oreE a hiˈo noa i te taata afaro,+E ananahi hau hoi to taua taata ra.+
38 E haamouhia râ te feia rave hara.E haapohehia te feia ino.+
ת [Tau]
39 No ǒ mai ia Iehova ra te faaoraraa o te feia parau-tia.+O ˈna to ratou haapuraa i te tau ahoaho.+
40 E tauturu e e faaora Iehova ia ratou.+
E faaora oia ia ratou i te feia ino ra,Te imi ra hoi ratou i te haapuraa ia ˈna ra.+
Nota i raro i te api
^ Huri-atoa-hia “e aratai hoi te reira i te ino ra.”
^ Heb: “i te mau mahana o te feia hapa ore.”
^ Aore ra “Te faaite nei râ te taata parau-tia i te farii maitai.”
^ Aore ra “haapapu.”
^ Aore ra “maa.”