O PONDOLA HẼ OKU POPIA hati Eliapu . . .

• Omunu umue wespiritu?

• Ondimbukiso yocina cimue cĩvi ci kasi vokati komunu?

• Anga hẽ ovisimĩlo vĩvi vi tunda kutima womunu?

CECI EMBIMBILIYA LI POPIA

Eliapu lia sapela la Yesu kuenda lio ‘yonja.’ (Mateo 4:1-4) Omo liaco, Eliapu ka li lomboloka ovisimĩlo vĩvi vi tunda kutima ale ondimbukiso yocina cimue cĩvi. Pole, omunu umue wespiritu.

NYE TU PONDOLAVO OKU LILONGISA VEMBIMBILIYA?

• Kefetikilo, Eliapu lia kala ungelo umue o kola, pole “ka pandikisile vocili.” (Yoano 8:44) Eye wa linga ohembi kuenda wa lingila usuanji Suku.

• Ovangelo vakuavo va likongelavo kusuanji wa Satana.—Esituluilo 12:9.

• Eliapu lia siata oku kemba omanu valua, oco va sime okuti, eye haciluvoko.—2 Va Korindo 4:4.

OMANU VAMUE VA POPIA vati ondaka yokuti Eliapu li pondola oku viala omanu, uhembi, kuenda omanu vakuavo va kuetele usumba olondele. Nye o sima catiamẽla kondaka yaco?

CECI EMBIMBILIYA LI POPIA

“Oluali luosi lu kasi povaka ondingaĩvi.” (1 Yoano 5:19) Ndaño okuti Eliapu lia siata oku yapuisa omanu, pole ka li pondola oku lavulula omunu lomunu.

NYE TU PONDOLAVO OKU LILONGISA VEMBIMBILIYA?

• Eliapu lia siata oku liluvikiya oco li yapuise omanu.—2 Va Korindo 11:14.

• Olonjanja vimue olondele vi pondola oku yapuisa omanu.—Mateo 12:22.

• Lekuatiso lia Suku, ove o pondola oku ‘tamalãla Leliapu.’—Tiago 4:7.