СТРЕССДАН ОЗОД БЎЛИШ
Стрессдан холи ҳаёт кечиришнинг иложи бор
Муқаддас Китоб тақдим этаётган донолик ортиқча стрессдан қочишимизга ёрдам беради. Албатта ўз кучимиз билан стрессдан бутунлай қутула олмаймиз. Бироқ бу Яратувчимизнинг қўлидан келади. У ҳаттоки бунда бизга ёрдам бериш учун бир шахсни тайинлаган. Бу Исо Масиҳдир. У ер юзида бўлганида кўплаб мўъжизалар яратган. Яқинда эса у дунё миқёсида бундан-да ажойиб ишларни амалга оширади. Масалан:
ЕР ЮЗИДА БЎЛГАНИДА КЎРСАТГАНИДАЙ, ИСО КАСАЛЛАРГА ШИФО БЕРАДИ.
«Унинг олдига ҳар хил касалликлардан азоб чекаётганларнинг... барини олиб келишарди ва Исо уларга шифо берарди». (МАТТО 4:24)
ИСО БАРЧАНИ УЙ-ЖОЙ ВА ОЗИҚ-ОВҚАТ БИЛАН ТАЪМИНЛАЙДИ.
«Улар [Масиҳнинг бошқаруви остидагилар] уйлар қуриб, бу уйларда яшайди, узумзорлар барпо этиб, ҳосилидан ейди. Улар қурган уйларда ўзгалар яшамайди, улар эккан нарсаларни бошқалар емайди». (ИШАЁ 65:21, 22)
ИСОНИНГ БОШҚАРУВИ БУТУН ДУНЁГА ТИНЧЛИК ВА ХАВФСИЗЛИК КЕЛТИРАДИ.
«У шоҳлик қилган даврда адолат гуллаб-яшнайди, ой бор экан, ҳамма ерда тинчлик-осойишталик бўлади. Денгиздан денгизга қадар, Фуротдан ернинг чеккаларига қадар у ҳукмронлик қилади... Душманлари тупроқ ялайди». (ЗАБУР 72:7–9)
ИСО АДОЛАТСИЗЛИККА ЧЕК ҚЎЯДИ.
«Хокисор ва камбағалга жони ачийди, фақирнинг ҳаётини сақлаб қолади. Жабр-зулмдан уларни халос қилади». (ЗАБУР 72:13, 14)
ИСО ҲАТТО АЗОБ-УҚУБАТ ВА ЎЛИМНИ ҲАМ ЙЎҚ ҚИЛАДИ.
«Ўлим, мотам, фарёд ва оғриқ бошқа бўлмайди». (ВАҲИЙ 21:4)
Сизни қизиқтириши мумкин
МУҚАДДАС КИТОБГА АСОСЛАНГАН ЖАВОБЛАР
Худонинг Шоҳлиги нималарни амалга оширади?
Худонинг Шоҳлиги ер юзи устидан бошқарганида сизни нималар кутиши ҳақида билиб олинг.
