Zabur 86:1-17
Dovudning ibodati.
86 Ey Yahova, ibodatimga quloq tutib javob ber,Zero, men mazlum va faqirman+.
2 Jonimni* asra, chunki men sadoqatliman+.
Senga suyanayotgan xizmatkoringni omon saqla,Axir Sen mening Xudoyimsan+.
3 Menga iltifot ko‘rsat, ey Yahova+,Chunki kun bo‘yi Senga murojaat qilaman+.
4 Xizmatkoringga quvonch baxsh et,Sababi, o‘zimni Senga bag‘ishladim, ey Yahova.
5 Sen, ey Yahova, mehribon+ va kechirishga tayyorsan+.Senga murojaat qilganlardan mehr-sadoqatingni ayamaysan+.
6 Ibodatimni tingla, ey Yahova,Yordam so‘rab qilgan iltijoimni eshit+.
7 Musibat kunimda Senga yuzlanaman+,Boisi, Sen menga javob berasan+.
8 Ey Yahova, Senga teng keladigan xudo yo‘q+,Senikiga o‘xshash ishlar ham yo‘q+.
9 Sen yaratgan xalqlarning bariOldingga kelib muk tushadi, ey Yahova+.Ular ismingni ulug‘laydi+.
10 Zero, Sen buyuksan, mo‘jizaviy ishlar yaratasan+.Sen — yagona Xudosan+.
11 Ey Yahova, O‘z yo‘ling haqida menga ta’lim ber+,
Toki haqiqat yo‘lingdan yurayin+.
Ismingdan qo‘rqishim uchun, yuragimni butun qil+.
12 Ey, Tangrim Yahova, butun qalbim bilan Senga hamd-u sano aytaman+.Ismingni toabad sharaflayman,
13 Menga bo‘lgan mehr-sadoqating g‘oyat buyukdir,Sen jonimni mozor* qa’ridan saqlab qolding+.
14 Ey Tangrim, o‘zbilarmon odamlar menga qarshi chiqmoqda+,Shafqatsiz kishilar jonimni olish payida yuribdi.Ular Seni nazar-pisand qilmaydi+.
15 Sen esa, ey Yahova, shafqatli va rahmdil*,Sabr-toqatli*, mehr-sadoqat va haqiqatga* boy Xudosan+.
16 Menga nazar solib, iltifot ko‘rsat+.
Xizmatkoringga kuch-quvvat ato et+,Cho‘ring o‘g‘lini omon saqla.
17 Menga himmating alomatini ko‘rsat.Toki mendan nafratlanadiganlar buni ko‘rib, uyatga qolsin.
Chunki Sen, ey Yahova, madadkorim va yupatuvchimsan.
Izohlar
^ Yoki «Hayotimni».
^ Yoki «marhamatli».
^ Yoki «g‘azablanishga shoshmaydigan».
^ Yoki «sadoqatga».
