Bivhili I Ri Mini Nga Ha Dzi-dinosaurs?
Bivhili I A Fhindula
Bivhilini a hu na hune ha ambiwa nga ha dzi-dinosaurs. Naho zwo ralo, Bivhili i amba uri Mudzimu ndi ene we a “sika zwithu zwoṱhe,” zwenezwo zwi ṋea vhuṱanzi ha uri dzi-dinosaurs dzo vha zwiṅwe zwa zwithu zwe a zwi sika. a (Nzumbululo 4:11) Naho dzi-dinosaurs dzi so ngo ambiwa nga ho livhaho Bivhilini, Bivhili i amba nga ha zwithu zwe Mudzimu a zwi sika zwine zwa nga vha zwi tshi katela nadzo:
“Zwivhumbiwa zwihulwane zwa lwanzheni” kana “phukha khulu dzi ofhisaho.”—Genesi 1:21, NW.
“Zwi kokovhaho mavuni.”—Genesi 1:25.
“Dziphukha dza shango.”—Genesi 1:25.
Naa dzi-dinosaurs dzi bva kha zwiṅwe zwipuka?
Nṱhani ha uri dzi-dinosaurs dzo bvelela nga zwiṱuku nga zwiṱuku sa evolution, Fossil dzi sumbedza uri dzi-dinosaurs dzo vha dzi hone. Zwenezwi zwi tshimbidzana na zwo ṅwalwaho Bivhilini, zwa uri Mudzimu o sika zwithu zwoṱhe. Sa tsumbo, Psalme ya 146:6 i amba uri Mudzimu o “sika ḽiṱaḓulu na ḽifhasi, na lwanzhe na zwoṱhe zwi re khalwo.”
Dzi-dinosaurs o tshila lini?
Bivhili i amba uri zwipuka zwa lwanzheni na zwa kha ḽifhasi zwo sikwa nga ḓuvha ḽa vhuṱanu na ḽa vhurathi. b (Genesi 1:20-25, 31) Ngauralo, Bivhili i a tenda uri dzi-dinosaurs o vha hone kale lwa tshifhiinga tshilapfu.
Naa Behemothe na Liviathani zwo vha zwi dzi-dinosaurs?
Hai. Naho ri si nga si ḓivhe nga vhuḓalo uri phukha dzo ambiwaho kha bugu ya Yobo ndi dzifhio, Behemothe i ḓivhiwa sa mvuvhu nahone Liviathani ḽi ḓivhiwa sa ngweṋa. Enea madzina a tshimbidzana na nḓila ine dza ṱaluswa ngao Bivhilini. (Yobo 40:15-23; 41:1, 14-17, 31) “Mvuvhu” na “Ngweṋa” a zwi ambeli kha dzi-dinosaurs. Mudzimu o vhudza Yobo uri a sedze zwenezwi zwipuka nga vhuronwane nahone Yobo o tshila ma dinosaurs a si tsha vha hone.—Yobo 40:16; 41:8.
Ho itea mini kha dzi-dinosaurs?
Bivhili a i ambi tshithu nga ha u sa tsha vha hone ha dzi-dinosaurs. Naho zwo ralo, i amba uri zwithu zwo sikiwa “nge [Mudzimu a] zwi funa,” ngauralo Mudzimu o vha a na ndivho musi a tshi sika dzi-dinosaurs. (Nzumbululo 4:11) Musi tshipikwa tshawe tsho no ḓadzea, o mbo ḓi tendela dzi-dinosaurs a tshi fhela.
a Fossil record i sumbedza uri dzi-dinosaurs dzo vhuya dza vha hone. Dzi Fossil dzi sumbedza uri ho vhuya ha vha na mifuda minzhi ya dzi-dinosaurs khulwane na ṱhukhu.
b Bivhilini, ipfi “ḓuvha” ḽi nga ambela kha miṅwaha swikaho ya tshigidi.—Genesi 1:31; 2:1-4; Vhaheberu 4:4, 11.
You May Also Like
MBUDZISO DZA BIVHILI DZO FHINDULWA
Naa Saintsi I A Tendelana Na Bivhili?
Naa Bivhili i na mafhungo a saintsi o khakheaho?
NGUDO DZI RE BIVHILINI
Naa Ḽifhasi Na Ṋaledzi Zwo Tou Sikwa?
Kanzhi vhathu a vha pfesesi zwavhuḓi zwine Bivhili ya zwi amba nga ha tsiko kana vha zwi dzhia sa ngano. Naa ni nga fhulufhela zwine Bivhili ya zwi amba?
ESSENTIAL BIBLE TEACHINGS
Ndi Ngani Mudzimu O Sika Ḽifhasi?
Shango ḽashu ḽo ḓala zwithu zwo nakaho. Ḽo vhewa kha vhukule ho linganaho u bva kha ḓuvha nahone ḽo linganyiselwa na luvhilo lune ḽa mona ngalwo. Ndi ngani Mudzimu o ita vhuḓidini ha u sika ḽifhasi?
NGA HA RIṊE
Humbelani U Dalelwa
Haseledzani mbudziso i bvaho Bivhilini kana ni gude zwo engedzeaho nga ha Ṱhanzi dza Yehova.