Iponto Suulupale

Namathanu: Munooweha itthu sinooniherya wiira ihapari sooreera voohimya sa okumi wa Yesu ninsoma ahu iliivuru sa Ivangelyo ti sekeekhai. Nave munooweha moota soowiiraneya iyo silempwale mbiibiliyani sinrowa aya onikhaliherya olelo-va.

Saabadu: Iprofesia saahimmye exeeni sa oyariwa ni onamwane wa Yesu? Niireke iprofesia iyo saahiiraneya tthiri?

Domingo: Mwaha onikhuma mbiibiliyani oni: ‘Xeeni Nihinreerela Ahu Woova Ihapari Soohiloka’, munooweha mbiibiliyani itthu siniwiiriha atthu imilyau sinceene anikhala olelo-va okhala oovareleleya hata itthu sitepaka otakhala olumwenku ola.

Eviidiyu Yuulupale

Oyariwa mwa mwiiriirya wa Yesu yaari etthu yoopacerya sa itthu sinceene soovara murima sa onamwane wa Yesu. Owo aanilupatthiwa ni mwene ni aaphavela omwiiva, nto aahiroihiwa wExiitu. Nuuvira iyaakha vakhaani, awiixuttihi akina a otemplo yaahitikinihiwa vanceene ni osuwela wa Yesu. Nto muhiyeleele oweha soowiiraneya iya ni soowiiraneya sikina eviidiyu ya ipantte piili enrowa wooniheriwa Namathanu ni Saabadu.

Nwehe iviidiyu sinittharelana wiira musuwele itthu sikina sa konkresu a mwaakha ola

Exeeni Eniiraneya Okathi wa Akonkresu?

Nwehe eviidiyu ela wiira moone moota anipakiwa aya akonkresu a Anamoona a Yehova.

Konkresu a Anamoona a Yehova a 2024 oni: ‘Mulaleyeke Ihapari Sooreera!’

Nwehe itthu ninrowa ahu wiixutta konkresu a mwaakha ola.

Mpantta mwaamukhaani wa Eviidiyu Yuulupale: Ihapari Sooreera Moovarihana ni Yesu

Atthu anceene annisuwela yoowiiraneya ni mwiiriirya wa oyariwa wa Yesu. Masi itthu xeeni saakhumelenle vahinatthi ni nuumala yoowiiraneya ela yoovara murima?