Ee. Miilooniyan qoodettiya maccaageeta gujjin, Yihoowa Markkati ubbay sabbakoosona woy haggaazoosona. Geeshsha Maxaafan kasetidi odettidaagaadan, mishiraachchuwa yootiya “maccaasati daro.”—Mazamure 68:11.

 Yihoowa Markka gidida maccaageeti, Geeshsha Maxaafan odettida maccaasatu leemisuwa kaalloosona. (Leemiso 31:10-31) Eti gubaaˈiya kaalettiyageeta gidana xayikkonne, minnidi haggaazoosona. Qassi eti bantta naata Geeshsha Maxaafaa maaraa tamaarissoosona. (Leemiso 1:8) Yihoowa Markka gidida maccaageeti haasayiyobaaninne oottiyoban loˈˈo leemiso gidanawu baaxetoosona.—Tiitu 2:3-5.