Daro asay masqqaliyaa Kiristtaanetu malaata giidi qoppees. Nuuni Yihoowa Markkati Kiristtaane gidikkokka, nu goynuwawu masqqaliyaa goˈettokko. Aybissi?

 Issi gaasoy, Yesuusi hayqqidoy masqqaliyan gidennan, sitti giida mittaana gidiyoogaa Geeshsha Maxaafay yootiyo gishshataassa. Harabay qassi, Kiristtaaneti ‘eeqassi goynniyoogaappe baqatanaadan’ Geeshsha Maxaafay minttidi zorees; hegee goynuwawu masqqaliyaa goˈettiyoogaakka diggiyaaba.—1 Qoronttoosa 10:14; 1 Yohaannisa 5:21.

 Yesuusi, “Intte issoi issuwaara siiqettikko, ta erissiyo ashkkarata gidiyoogaa asai ubbai erana” yaagidi yootiis. (Yohaannisa 13:34, 35) Yesuusi yaagiyoogan, tumu Kiristtaaneta shaakkidi erissiyay, masqqaliyaa woy hara malaata gidennan, asay ba goˈˈaa agganaadan oottiya siiquwaa gidiyoogaa bessiis.