NGABA YADALWA?
Iintsholongwane Ezitya Ioli
NGO-2010 kwachitheka malunga neelitha eziyi-800 miliyoni zeoli kuNxweme lwaseMexico emva kokudubula nokuzika komatshini wokuyimpompa. Kodwa loo oli yanyamalala emva nje kwenyanga ezimbalwa. Yenzeka njani loo nto?
Khawucinge ngoku: Uphando olwenziwe ngoososayensi luye lwabonisa ukuba kukho iintsholongwane ezitya ioli. UProfesa uTerry Hazen osisazi sebhayoloji uzibiza ezi ntsholongwane ngokuthi “yimijukujelwa enxanelwe ioli.” Ziintsholongwane ezinjengezi ezacoca uNxweme lwaseMexico ekuthethwe ngalo ekuqaleni kweli nqaku.
Inqaku elipapashwe lijelo leendaba iBBC lithi: “Ayisothusi into yokuba kubekho iintsholongwane ezinxanelwe ioli elwandle kuba ulwandle belukhupha ioli” kangangezigidigidi zeminyaka.
Ziyancomeka iinzame zabantu zokucoca ulwandle emva kokuchitheka kweoli, kodwa nokuba sebezame kangakanani na, basenokwenza umonakalo ongakumbi kunokuba belungisa. Amachiza abawasebenzisayo aphazamisana nenkqubo yendalo yokutya ioli. Ukongezelela koko, imichiza enjalo ingawungcolisa ixesha elide umhlaba. Kodwa indlela yendalo yokucoca ioli efana nezi ntsholongwane zinxanelwe ioli inceda ulwandle luzicoce ngokwalo, ngaphandle kokuzonakalisa. *
Ucinga ntoni? Ngaba iintsholongwane ezitya ioli elwandle zazivelela? Okanye zadalwa?
^ isiqe. 6 Kusekutsha gqitha ukuba singaqikelela ukuba lo monakalo uza kuzichaphazela ixesha elide kangakanani izinto eziphila kolu nxweme.
Mhlawumbi Ungayithanda Nale
IINCWADI NEENCWADANA EZINEMIFANEKISO
Ngaba Izinto Eziphilayo Zadalwa?
Ibalulekile into oyikholelwayo ngendlela obaqala ngayo ubomi.
UVUKANI!
Indlela Abamile Ngayo Oonokrwece
Indlela abamile ngayo oonokrwece izikhusela njani izinto ezingaphakathi kubo.
UVUKANI!
Iqunube Elinombala Oluhlaza Okhazimlayo
Eli qunube alifakwa dayi, kodwa linombala oluhlaza okhazimlayo. Yintoni ebangela eli qunube lincinci libe nombala okhazimla olu hlobo?
UVUKANI!
Uboya Bentini Yaselwandle
Ezinye izilwanyana ezincancisayo ezihlala emanzini zixhomekeke kwinqatha lazo elityebileyo ukuze zihlale zifudumele. Yona intini yaselwandle ayifudunyezwa lilo.
UVUKANI!
Indlela Ehlala Ngayo Inyosi Eyenza Ubusi
Yintoni ebangela ukuba indlela ehlala ngayo le nyosi ibe ngowona mzekelo wokwenza iirobhothi ezibhabhayo?
