გერმანიას მახორუ ართ იეჰოვაშ მოწმე ირმა, ნამუთ 90 წანერ რე წერილეფით ქადაგენს, მუშენდა კარდოკარ ვაქადაგებე; თინა ავარიას ჟირშა რე მუნახვამლეფ დო მუსხირენ ოპერაცია აფჷ კეთებულ. ირმა წერილეფს ჭარუნს ნათესეფს დო ნაჩინებუეფს. თიშ გურიშემაკინალ დო მიონარღებელ წერილეფ ხალხის თეშ ეუქექუანს გურშა, ნამდა ხშირას ურეკნა დო ოკითხნა, ხოლო მუჟამ მეჭარუნს წერილს. ირმა ბრელ მარდულობაშ წერილს ხოლო ღებულენს; თინა იჩიებ: „თე ირფელს ჩქიმდა ბედნერობა მოუღ დო მოხვარ სულიერო გემამგარე“.

 ირმა წერილეფს უჯღონანს თინეფს, მით ხანშამიშულირეფიშ თავშესაფარს ცხოვრენს. თინა იჩიებ: „ართ ხანშამიშულირ ოსურქ მირეკ დო მიწუ, ნამდა ჩქიმ წერილქ, ნამუთ ქომონჯიშ ღურაშ უკულ მევუჯღონ, მანგარო ელუკინ გურშა. თიქ წერილ მუშ ბიბლიას ქიმშადვჷ დო ირ ონჯუას კითხულენს. შხვა ოსურქ, მიდგას ამარდე უღურ ქომონჯიქ მიწუ, ნამდა ჩქიმ წერილქ უმოსო ეუქექუ გურშა ვინემ მღვდელიშ ქადაგებაქ. თის ბრელ კითხვეფ უღუდ დო ფთხუ, ქიშილებენ-და, სქანდა ქუმურქია“.

 ირმაშ ართ ნაჩინებუქ, ნამუთ იეჰოვაშ მოწმე ვა რე, ოცხოვრეფშა შხვადო გეგნორთჷ; თიქ ირმას თხუ, ქეშეილებ-და, წერილეფ მა ხოლო ქუმობჭარია. ირმა იჩიებ: „თე ოსურ ჩქიმ არძა წერილს ჩუანდჷ. თიშ ღურაშ უკულ, თიშ ძღაბიქ დომრეკ დო მიწუ, ნამდა ჩქიმ არძა წერილ კითხირებულ აფუდ დო ფთხუ, თიშა ხოლო ქიმემჭარუდკო ბიბლიაშა გერსხილ წერილეფ“.

 ირმაშა ხიოლ მოუღ თეცალ მსახურებას. თინა იჩიებ: „იეჰოვას ვოხვეწუქ, ირიათო ქომჩას თიშ ძალა, ნამდა ვემსახურე თის. მართალ რე, კარდოკარ ვეგლმართინე, მარა, მუთ შემლებუნ ირფელს ვორთუქ“.