Ana Yakulochesya Yakwamba Mesiya Yikusalosya Kuti Yesu Jwaliji Mesiya?
Kwanga kwakutyochela m’Baibulo
Elo. Yesu ali pa chilambo chapasi jwakwanilisye yakulochesya yejinji yakwamba Mesiya ‘Jwakulamulila’ jutachiŵa “Mkulupusyo jwa chilambo chosope chapasi.” (Daniele 9:25; 1 Yohane 4:14) Ali ajimwiche panyuma pachiwa chakwe, jwapitilisye kwanilisya yakulochesya yakwamba Mesiya.—Salimo 110:1; Masengo 2:34-36.
Ana maloŵe gakuti Mesiya gakusagopolela chichi?
Maloŵe ga Chihebeli gakuti Ma·shiʹach (Mesiya) gali gakulandana ni maloŵe ga Chigiliki gakuti Khri·stos (Klistu). Maloŵe gosopega gakusagopolela “Jwakusagulidwa ni msimu.” Myoyo maloŵe gakuti “Yesu Klistu” gakusagopolela kuti “Jwakusagulidwa ni msimu,” kapena “Mesiya.”
Mu ndaŵi ja m’Baibulo, ndaŵi syejinji mundu ŵamtagaga mauta pamtwe naga asagulidwe kuti aŵe pa udindo wapajika mnope. (Lefitiko 8:12; 1 Samuele 16:13) Yesu ŵasagulidwe ni Mlungu kuti aŵe Mesiya wawuli udindo wapenani mnope. (Masengo 2:36) Mlungu nganamsagula Yesu pakamulichisya masengo mauta nambo ŵakamulichisye masengo msimu weswela.—Mateyu 3:16.
Ana yakulochesya yakwamba Mesiya yakwanilichikwe ni ŵandu ŵajinji?
Iyayi. Mpela mwayikusaŵelaga ni chidindo cha chala cha mundu changajimilaga ŵandu ŵaŵili, yeleyi yikulosya kuti yakulochesya ya m’Baibulo yakusala Mesiya kapena Klistu, yakwanilichikwe ni mundu jumo. Baibulo jasasile kuti, ‘Tikuchiwoneka ŵandu ŵaunami ŵitachiŵechetaga kuti, ‘Klistu jula ni une,’ pane kuti, ‘Jwakulochesya jula ni une.’ Ŵandu ŵaunamiŵa tachitendaga yindu yamachili ni yakusimonjesya kuti naga kuli kwakomboleka ŵasokonasye atamose ŵandu ŵakusagulidwa ŵa Mlungu.’—Mateyu 24:24.
Ana Mesiya tachiwonechela kusogoloku?
Iyayi. Baibulo jasasile kuti Mesiya tachiŵa chisukulu cha Mwenye Daudi jwa ku Isalaeli. (Salimo 89:3, 4) Nambope yakulemba yakusala ya msele wakupagwila Mesiya, yasokonechele pandaŵi jele Aloma ŵajonasile msinda wa Yelusalemu mu 70 C.E. a Kutandila ndaŵi jelejo yaliji yakusawusya kwa mundu kusala kuti Yesu ali Mesiya jwa mu liŵasa lya Daudi. Atamose ŵanduŵa ŵaŵechetaga yeleyi, nambope mu ndaŵi ja Yesu yakulembayi yaliji yili yipali. Mwamti ŵandu ŵaŵasisyaga nganakayichila kuti jwalakwe ali jwa muliŵasa lya Daudi.—Mateyu 22:41-46.
Ana m’Baibulo mwana yakulochesya yilingwa yakusala ya Mesiya?
Yili yakusawusya kusala winji wa yakulochesya yakwamba Mesiya yayikusasimanikwa m’Baibulo. Litala lya kaŵalanjile yakwamba yakulochesya mpaka liŵe lyakulekangana atamose kuti nganijo jikusala ya Mesiya. Mwachisyasyo, ngani ja pa Yesaya 53:2-7 jikusasala ya yakulochesya yejinji yakusala ya Mesiya. Ŵane mpaka aganisyeje kuti ngani josopeji jikusala ya chakulochesya chimpepe. Nambo ŵane mpaka aganisyeje kuti chilichose chakuchisala m’maloŵe gakulochesyago chikwete ngopolelo jine.
Yakulochesya yine yayakwanilichikwe ni Yesu
Maloŵe gakulochesya |
Gakusimanikwa pa |
Kwanilichikwa |
|---|---|---|
Yisukulu ya Abulahamu |
||
Chisukulu cha Isaki mwanache jwa Abulahamu |
||
Tachipagwila mu mtundu wa Chiyuda |
||
Tachipagwila mu msela wa Mwenye Daudi |
Yesaya 9:7 |
|
Tachipagwila kutyochela kwa mwali |
Yesaya 7:14 |
|
Tachipagwila ku Betelehemu |
Mika 5:2 |
|
Lina lyakwe tachiŵa Emanuwele b |
Yesaya 7:14 |
|
Tachipagwila mu liŵasa lya kulaga |
Yesaya 53:2 |
|
Ŵanache ŵawulajidwe paŵapagwile jwalakwe |
Yelemiya 31:15 |
|
Ŵamsalile kuti akopoche mu Iguputo |
Hoseya 11:1 |
|
Tachikolanjidwa kuti Mnasaleti c |
Yesaya 11:1 |
|
Tachitumisya jwamtenga |
Malaki 3:1 |
|
Mu 29 C.E. d ŵasagulidwe kuŵa Mesiya |
Daniele 9:25, NWT |
|
Mlungu ŵapeleche umboni wakuti Yesu ali Mwanache jwakwe |
Salimo 2:7 |
|
Tachiŵa jwakulipeleka mnope pa nyumba ja Mlungu |
Salimo 69:9 |
|
Tachilalichila ngani syambone |
Yesaya 61:1 |
|
Tachilalichila ku Galileya mwamti ŵandu ŵajinji tachiliwona lilanguka |
Yesaya 9:1, 2 |
|
Tachitenda yakusimonjesya mpela muŵatendele Mose |
||
Tachiŵechetaga maloŵe gakutyochela kwa Mlungu mpela muŵatendele Mose |
||
Tachiposya yilwele ya ŵandu ŵajinji |
Yesaya 53:4 |
|
Ngasaŵa mundu jwakulinonyela |
Yesaya 42:2 |
|
Tachatendela chanasa ŵakulaga |
Yesaya 42:3 |
|
Tachiŵa jwachilungamo |
Yesaya 42:1, 4 |
|
Pungu Jwakusimonjesya |
Yesaya 9:6, 7 |
|
Tachilalichila ya lina lya Yehofa |
Salimo 22:22 |
|
Tachijiganya pakamulichisya masengo yiwanichisyo |
Salimo 78:2 |
|
Jwakulamulila |
Daniele 9:25 |
|
Ŵandu ŵajinji nganamkulupilila |
Yesaya 53:1 |
|
Liganga lyakwakuŵasya ŵandu |
Yesaya 8:14, 15 |
|
Ŵandu tachimkana |
Salimo 118:22, 23 |
|
Ŵandu tachimŵenga pangali ligongo |
Salimo 69:4 |
|
Tachijinjila mu Yelusalemu ali akwesile bulu |
Sakaliya 9:9 |
|
Ŵanache tachimchimbichisya |
Salimo 8:2 |
|
Tachiyika mu lina lya Yehofa |
Salimo 118:26 |
|
Jwapelechedwe ni mjakwe jwapamtima |
Salimo 41:9 |
|
Ŵampeleche ni mbiya 30 sya silifa e |
Sakaliya 11:12, 13 |
|
Ŵakulijiganya ŵakwe ŵamtisile |
Sakaliya 13:7 |
|
Ŵandu ŵapeleche maumboni gaunami |
Salimo 35:11 |
|
Nganajanga chilichose paŵamjimbaga magambo |
Yesaya 53:7 |
|
Ŵamsunile mata |
Yesaya 50:6 |
|
Ŵamputile mumtwe |
Mika 5:1 |
|
Ŵamputile |
Yesaya 50:6 |
|
Nganawuchisya paŵamputaga |
Yesaya 50:6 |
|
Mayimwene gakamulene yakumjimuchila |
Salimo 2:2 |
|
Magasa ni sajo syakwe ŵayikomele pa chitela |
Salimo 22:16 |
|
Ŵandu tachigaŵana yakuwala yakwe |
Salimo 22:18 |
|
Tachiwonedwa kuŵa jwakulemwa |
Yesaya 53:12 |
|
Ŵandu tachimtendela yachipongwe |
Salimo 22:7, 8 |
|
Ŵalagasidwe ligongo lya ŵandu ŵakulemwa |
Yesaya 53:5, 6 |
|
Yichiwoneka mpela ngakusamalidwa ni Mlungu |
Salimo 22:1 |
|
Tachimpa finyo jechesuche soni ndulu kuti amwe |
Salimo 69:21 |
|
Mkanawe jamkwete njota |
Salimo 22:15 |
|
Ŵapeleche msimu wakwe kwa Mlungu |
Salimo 31:5 |
|
Tachiwa |
Yesaya 53:12 |
|
Ŵapeleche umi pakutuwombola ku ulemwa |
Yesaya 53:12 |
|
Mawupa gakwe ngasigatemangulidwa |
Salimo 34:20 |
|
Tachisomedwa |
Sakaliya 12:10 |
|
Tachiŵichidwa m’malembe yalumo ni ŵakusichila |
Yesaya 53:9 |
|
Tachijimuka panyuma pa chiwa chakwe |
Salimo 16:10 |
|
Jwakumpeleka tachijinjilidwa mmalo ni mundu jwine |
Salimo 109:8 |
|
Tachitama ku mkono wa mlyo wa Mlungu |
Salimo 110:1 |
a Buku jine (McClintock and Strong’s Cyclopedia) jasasile kuti, “Yili yangakayikasya mnope kuti kuwungunya kwakwamba ya mtundu wa Ayuda soni maŵasa kwasokonechele pandaŵi jele Yelusalemu jwajonanjidwe ngaŵaga mkanajonanjidwe.”
b Lina lya Chihebeli lyakuti Emanuwele, likusagopolela kuti, “Mlungu ali ni uwe.” Linali likulosya ya udindo wakwete Yesu mpela Mesiya. Kusimanikwa kwakwe pachilambo chapasi soni yaŵatendaga yikulosya kuti Mlungu akwasamalila ŵakutumichila ŵakwe.—Luka 2:27-32; 7:12-16.
c Maloŵe gakuti, “Mnasaleti” komboleka kuti gatyochele ku maloŵe ga Chihebeli gakuti neʹtser gagakusagopolela kuti “kusipuka.”
d Kuti amanyilile yejinji pakwamba yakulochesya ya m’Baibulo ya 29 C.E, chachili chaka chaŵayiche Mesiya, aŵalanje ngani jakuti, “Yaŵalochesye Daniyele Pakwamba ya Kwisa kwa Mesiya.”
e Maloŵe gakulochesyaga gakusimanikwa m’buku ja Sakaliya. Yeleyi yikukamulana ni yaŵaŵechete Mateyu kuti, “yatendekwe yiŵaŵechete jwakulochesya Yelemiya.” (Mateyu 27:9) Yikuwoneka kuti buku ja Yelemiya jasimanikwaga kundanda kwa mabuku ga “ŵakulochesya.” (Luka 24:44) Myoyo Mateyu komboleka kuti ŵakamulichisye masengo “Yelemiya” pakusaka kusala ya mabuku gosope ga ŵakulochesya kupwatikapo buku ja Sakaliya.
You May Also Like
Jwamkongwe jwa Chiyuda Akusala Ligongo Lyakwe Jwawungunyisyesoni Yakusakulupilila
Ana ni maumboni gapi gagamtendekasisye Racquel Hall kukulupilila kuti Yesu ali Mesiya?
YAJIKUSAJIGANYA BAIBULO
Atande Kulijiganya Baibulo
Atande kulijiganya Baibulo mwakambilana soni mwalulele ni mundu jwine.