JW LIBRARY
Meyajnaktech JW Library (Android)
¡K-kʼamkech tiʼ JW Library! Le aplicacionaʼ beetaʼan utiaʼal a xakʼalxoktik le Bibliaoʼ. Utiaʼal a wilik baʼax yaneʼ jeʼekʼabt le menú taʼakpajaʼan tu x-tsʼíik le pantallaoʼ; péetsʼkʼabt u jáalik le pantallaoʼ ka a jutsʼ ta x-noʼoj. Wa maʼeʼ péetsʼkʼabt le botón Menú yaan ta x-tsʼíik teʼ kaʼanaloʼ.
Biblia
Wa ka péetsʼkʼabtik Biblia, yaan u páajtal a xokik wa a wéemsik Bibliaʼob. Péetsʼkʼabt junpʼéel u libroil le Bibliaoʼ, tsʼoʼoleʼ u capituloil. Le táan a xokikoʼ, ta x-noʼojeʼ yaan u páajtal a wilik tsolajiloʼob, referenciaʼob yéetel bix tsʼaʼanik le teksto tiʼ uláakʼ Bibliaʼoboʼ.
Utiaʼal a kaxtik uláakʼ tekstoeʼ jeʼekʼabt le menú yaan ta x-tsʼíikoʼ, ka a péetsʼkʼabt tu kaʼatéen Biblia.
Publicacionoʼob
Wa ka péetsʼkʼabtik Publicaciones, yaan u páajtal a wilik baʼaloʼob utiaʼal xokbil, uʼuybil, wa chaʼantbil. Péetsʼkʼabt junpʼéel publicación, ka a yéey le xook a kʼáatoʼ. Mientras ta xookeʼ jeʼel u páajtal a jeʼekʼabtik le tekstoʼob ku yaʼalaʼaloʼ. Chéen kʼaʼabéet a péetsʼkʼabtik utiaʼal u chíikpajal ta x-noʼoj. Wa a kʼáat a jeʼekʼabt desde teʼ Bibliaoʼ, ta x-noʼoj kʼaʼabéet a péetsʼkʼabtik le tekstooʼ.
Utiaʼal a jeʼekʼabtik uláakʼ publicacioneʼ, jeʼekʼabt le menú yaan ta x-tsʼíikoʼ ka a péetsʼkʼabt Publicaciones.
U tekstoil le kʼiinoʼ
Teʼ menú yaan ta x-tsʼíikoʼ péetsʼkʼabt Texto diario utiaʼal a xokik u tekstoil le kʼiinoʼ.
Internet
Teʼ jaats Internet yaan ichil le menú yaan ta x-tsʼíikoʼ jeʼel u páajtal a wokol teʼ sitioʼob yaantoʼonoʼ.
Túumbenkunse
Ilawil wa túumben u versionil le Android yaantechoʼ utiaʼal u meyaj maʼalob le JW Libraryoʼ.
Maas maʼalob wa letiʼe u maas túumbenil le Android yaantechoʼ. Utiaʼal a wojéeltik u maasileʼ ooken teʼ direccionaʼ: https://support.google.com/nexus/answer/4457705.
Jeʼel u páajtal xan a configurartik a tablet wa a celular utiaʼal u túumbenkunsik tu juunal le aplicacionoʼob yaantechoʼ. Utiaʼal a wojéeltik u maasileʼ ooken teʼ direccionaʼ: https://support.google.com/googleplay/answer/113412.
