Proverbios 3:1-35
3 In paal, maʼ a tuʼubsik baʼax kin kaʼansiktech,*tsʼoʼokbes in mandamientoʼob yéetel tuláakal a puksiʼikʼal,
2 tumen leloʼ yaan u beetik a kuxtal maas yaʼab añosyéetel yaan u beetik a kuxtal ich jeetsʼelil.+
3 Maʼ u xuʼulul a weʼesik nojoch yaabilaj bey xan chúukaʼan óolal.+
Tsʼáaʼob bey junpʼéel jatsʼuts collar* ta kaaleʼ.
Tsʼíibtoʼob tu yóokʼol a puksiʼikʼal.+
4 Beyoʼ yaan u yantaltech naʼatyéetel yaan a lúubul utsil tu táan Dios bey xan tu táan le máakoʼoboʼ.+
5 Kʼub a wóol tiʼ Jéeoba+ yéetel tuláakal a puksiʼikʼal,maʼ a confiar chéen tiʼ le naʼat yaantechoʼ.+
6 Chʼaʼ en cuenta tiʼ tuláakal baʼax ka beetik,+letiʼ túuneʼ yaan u beetik u bintech utsil ichil a kuxtal.+
7 Maʼ a taaskaba jach yaan a naʼat.+
Meyajt Jéeoba, yéetel náachkuntaba tiʼ baʼax kʼaas.
8 Leloʼ yaan u beetkuba junpʼéel tsʼaak utiaʼal a wíinklil*yéetel yaan u tsʼáaik u muukʼ a baakeloʼob.
9 Alabart Jéeoba, tsʼáa tiʼ letiʼ le baʼaloʼob maas maʼalobtak yaantechoʼ,+tsʼáa tiʼ letiʼ u yáax ich* tuláakal le baʼaxoʼob a pakʼmoʼ.*+
10 Wa ka beetkeʼ yaan u yíiʼchuʼupul le tuʼuxoʼob ka líiʼsik le baʼaxoʼob ka cosecharkoʼ,+le pilaʼob yaantechoʼ yaan u tuuloʼob yéetel túumben vino.
11 In paal, kʼam baʼax ku yaʼaliktech Jéeoba,+maʼ a pʼuʼujul le kéen u tsoltech u nuʼuk.+
12 Tumen Jéeobaeʼ ku tsolik u nuʼuk tiʼ máaxoʼob u yaabiltmaj,+jeʼex u beetik juntúul taatatsil jach u yaabiltmaj u hijoeʼ.+
13 Kiʼimak u yóol le máax tsʼoʼok u kaxtik le naʼatoʼ+bey xan le máax ku kanik u yéey baʼax ken u beetoʼ.
14 U yantal naʼat tiʼ máakeʼ maas maʼalob ke ka yanak plata tiʼ máak,u náajaltik máak le naʼatoʼ maas maʼalob ke ka u náajalt oro.+
15 Maas koʼoj ke u jatsʼuts tuunichil coral,mix junpʼéel tiʼ le baʼaxoʼob ka tsʼíiboltik jeʼel u páajtal u keʼetel tu yéeteloʼ.
16 Wa ku yantaltech naʼateʼ yaan a kuxtal yaʼab años,yaan a ayikʼaltal yéetel yaan a respetarta’al.
17 U bejiloʼob le naʼatoʼ ku taasik kiʼimak óolal,tuláakal u beeloʼobeʼ ku taasik jeetsʼelil.+
18 Le naʼatoʼ bey junkúul cheʼ ku tsʼáaik kuxtaleʼ.
Jeʼel máaxak ka chʼuylak tiʼ letiʼeʼ yaan u kuxtal yéetel yaan u kiʼimaktal u yóol.+
19 Tiʼ Jéeobaeʼ meyajnaj le naʼat utiaʼal u beetik le luʼumoʼ.+
Jach maʼalob úuchik u beetik le kaʼanoʼ tumen jach u yojel bix unaj u beetik.+
20 Tu yoʼolal baʼax u yojleʼ tu beetaj u jatskuba le taamkach jaʼoboʼyéetel tiʼ le kaʼan nookoychajaʼanoʼ tu beetaj u kʼáaxal jaʼ.+
21 In paal, maʼ a chaʼik u tuʼubultech le baʼaloʼobaʼ.*
Kanáant le naʼatoʼ bey xan le maʼalob tuukul yaantechoʼ.
22 Le baʼaloʼobaʼ yaan u tsʼáaikoʼobtech kuxtalyéetel yaan u pʼáatloʼob bey junpʼéel adorno utiaʼal a kaaleʼ.
23 Bey túunoʼ mix baʼal kun úuchultech teʼ bej tuʼux ka binoʼ,yéetel a wookoʼobeʼ mix bikʼin ken u kʼolubaʼob tiʼ wa baʼax.+
24 Le kéen chilakecheʼ mix baʼal kun sajakkúuntkech,+kiʼ kan wenel kéen chilakech.+
25 Maʼ kan sajaktal u jáan úuchultech junpʼéel loob,+mix tiʼ le kʼaʼamkach iikʼ kun taal yóokʼol le kʼasaʼan máakoʼoboʼ.+
26 Tumen jeʼel u páajtal a kʼubik a wóol tiʼ Jéeobaeʼ,+letiʼeʼ yaan u kanáantik a wookoʼob tiʼ le trampaoʼ.+
27 Tak tuʼux ku páajtal a beetkeʼ*+eʼes a wutsil tiʼ le máaxoʼob kʼaʼabéet áantaj tiʼoboʼ.*+
28 Wa teʼ súutuk jeʼel u páajtal a tsʼáaik tiʼ a wéet máakil le baʼax ku kʼáatiktechoʼ,maʼ a waʼaliktiʼ: «¡Xeen! Sáamaleʼ ka suut utiaʼal in tsʼáaiktech».
29 Maʼ a chʼaʼtuklik a beetik kʼaas tiʼ le máaxku confiar tiʼ techoʼ.+
30 Maʼ a baʼateltʼaan yéetel juntúul máak yoʼolal mix baʼal,+maʼ a baʼateltʼaan tu yéetel wa mix baʼal kʼaas u beetmajtech.+
31 Maʼ a tsʼíiboltik a kuxtal jeʼex le loolob máakoʼoboʼ,+maʼ a yéeyik mix junpʼéel tiʼ u beeloʼob.
32 Tumen Jéeobaeʼ jach u pʼekmaj le kʼasaʼan máakoʼoboʼ,+pero jach ku biskuba maʼalob yéetel le máaxoʼob toj u kuxtaloʼoboʼ.+
33 Jéeobaeʼ ku maldecirtik u yotoch le kʼasaʼan máakoʼ,+pero ku bendecirtik u yotoch le máax beetik baʼax maʼaloboʼ.+
34 Letiʼeʼ ku burlarkuba tiʼ le máaxoʼob ku yaʼalikoʼob baʼaloʼ,+pero ku yeʼesik u yutsil tiʼ le utsul máakoʼoboʼ.+
35 Le máaxoʼob yaan u naʼatoʼoboʼ yaan u alabartaʼaloʼob,pero le j-maʼ naʼatoʼoboʼ ku nojbaʼalkúuntikoʼob le baʼax taasik suʼtsililoʼ.+
Notas
^ Wa «in ley».
^ Wa «soguilla».
^ Ich hebreoeʼ ku yaʼalaʼal kaʼach «a tuuch».
^ Wa «ka náajaltikoʼ».
^ Wa «u maas maʼalobil tiʼ».
^ Teʼelaʼ táan u yúuchul tʼaan tiʼ le u jatsʼuts modos Dios tsʼoʼok u yaʼalaʼal teʼ capítuloaʼ.
^ Wa «Wa tiaʼan ta kʼab u páajtalil a beetkeʼ».
^ Wa «tiʼ le máaxoʼob unajoʼ».