Táan u peortal le kuxtaloʼ: ¿baʼax jeʼel u yáantkecheʼ?
Tumen cada kʼiin ku máan táan u maas yaatal le kuxtalaʼ, ¿ka wuʼuyik wa minaʼan tuʼux a chʼaʼik a wiikʼ? ¿Táan wa a wuʼuyik u yúuchul tʼaan tiʼ le baʼaloʼobaʼ?
Guerraʼob
Kʼojaʼaniloʼob
Nukuch loobiloʼob
Óotsilil
Pʼektajil
Kʼasaʼanil
Kéen úuchuk junpʼéel nojoch loobileʼ yaʼab máakeʼ ku desesperar yéetel maʼ tu kaxtik baʼax u beete. Chéen baʼaleʼ le u yuʼubikuba máak beyaʼ jach junpuliʼ maʼ tu yáantaj.
Kex yaj baʼax ku aktáantik máakeʼ maʼ unaj u chʼíikil u tukliʼ, baʼaxeʼ kʼaʼabéet u yilik u kanáantik u familia, maʼ u kʼojaʼantal, maʼ u xuʼuxupik u taakʼin, u manik chéen le baʼax kʼaʼabéetoʼ yéetel u yilik maʼ u xuʼulul u kiʼimaktal u yóol.
¿Baʼax túun jeʼel u beetik máak utiaʼal maʼ u sen afectartaʼal tumen le baʼaloʼob ku yúuchul teʼ kʼiinoʼobaʼ?
