虽然，基督徒​可以​采用​合理​嘅​方式​嚟​保障​佢哋​嘅​人​身​安全，但系​唔​可以​越​出​圣经​嘅​原则。圣经​原则​唔​允许​人​因为​自卫​而​对​其他​人​使用​武器，例如​手枪、莱福枪​等​其他​类型​嘅​枪械。如果​想​做​正确​嘅​决定，请​考虑​吓​以​下​嘅​原则:

喺​耶和华​眼中，生命——特别​系​人​嘅​生命——系​神圣​嘅。诗篇​嘅​执笔者​大卫​知道​耶和华​系“生命​嘅​源​头”。（诗篇​36:9）所以，一​个​基督徒​用​合理​嘅​方式​嚟​保护​自己​嘅​安全​或​财产，就​应该​尽己​所​能​避免​杀人，欠​下​血债。（申命记​22:8；诗篇​51:14）

虽然，用​任何​物​件​都​可以​杀人，但​无论​蓄意​抑或​无意，好​明显​枪械​更​容易​导致​流血​伤人​嘅​事发​生。 * 如果​一​个​暴徒​已经​好​紧张，仲​见​到​另​一​个​人​有​枪，情况​可能​会​一发不可收拾，甚至​导致​死亡。

喺​耶稣​牺牲​生命​前​嘅​最后​一​个​晚​上，耶稣​吩咐​门徒​要​配​剑。佢​噉样​讲，其实​唔系​谂​住​要​自卫。（路加福音​22:36，38）相反，耶稣​要​门徒​带​剑​嘅​目的，系​想​教导​佢哋​一​个​重要​嘅​道理:就算​面对​一​大​班​带​住​武器​嘅​人，都​唔​应该​使用​暴力。（路加福音 22:52）彼得​用​剑​攻击​大祭司​嘅​奴隶。之后，耶稣​命令​彼得​话:“将​剑​收翻​原处！”跟住，耶稣​讲​咗​一​个​基本​嘅​真理:“凡​用​剑​嘅，都​会​死​喺​剑​下。”（马太福音​26:51，52）呢个​真理，依然​指引​紧​今日​嘅​基督徒。

同​弥迦书​4:3​所​讲​嘅​一样，上帝​嘅​子民“将​刀​剑​打​成​犁头，将​枪矛​打​成​镰刀”。呢个​真​基督徒​嘅​特征​同​使徒​保罗​受​圣灵​启示​所​讲​嘅​劝勉​一致，佢​话:“唔好​以恶报恶……只要​自己​做​得到，就​要​尽力​同​所有​人​和睦相处。”（罗马书​12:17，18）即使​保罗​经历​好多​困难，包括“强​盗​嘅​危险”，佢​仲系​以身作则，将​圣经​嘅​原则​睇​得​比​个​人​安全​更加​重要。（哥林多后书​11:26）佢​信赖​上帝，亦​都​坚​信​嚟自​圣经​嘅​智慧“胜​过​打​仗​嘅​武器”。（传道书​9:18）

对​基督徒​嚟​讲，生命​比​任何​物质​嘅​嘢​更​有​价值。“生命……唔系​取决​于［一​个​人］拥有​嘅​财物。”（路加福音​12:15）如果​温​和​嘅​舌头​制止​唔​到​佩​有​武器​嘅​匪​徒，明智​嘅​基督徒​就​会​听从​耶稣​嘅​话，“唔好​同​邪恶​嘅​人​对抗”。噉样​做​意味​住​我哋​可能​要​放弃​自己​身上​嘅​一切​财物。（马太福音​5:39，40；路加福音​6:29） * 当然，最好​嘅​方法​系​预防。如果​我哋​弃绝“炫耀​财物​嘅​行为”，而且​邻居​都​知道​我哋​系​爱好​和平​嘅​耶和华见证人，我哋​就​冇咁​容易​成为​暴徒​嘅​目标。（约翰一书​2:16；箴言​18:10）

基督徒​尊重​其他​人​嘅​良​心。（罗马书​14:21）如果​我哋​嘅​同工​知道，会众​嘅​某​个​成员​为咗​防止​俾​人​伤害​而​拥有​枪械，可能​会​感​到​震惊，甚至​被​绊倒。爱心​推动​我哋​将​其他​人​嘅​利益​放喺​自己​嘅​利益​之​上，噉​意味​住，就算​有时​我哋​认为​自己​有​权​噉样​做，都​应该​将​呢个​谂法​摆​埋​一​边。（哥林多前书​10:32，33；13:4，5）

基督徒​尽力​成为​好​榜样。（哥林多后书​4:2；彼得前书​5:2，3）如果​一​个​基督徒​受​到​嚟自​圣经​嘅​劝告​之后，仍然​以​避免​受​到​他​人​伤害​为​理由​而​拥有​枪械，就​唔系​一​个​好​嘅​榜样。佢​喺​会众​里面​就​唔​再​符合​资格​担任​某​啲​职责​或者​享有​某​啲​特别​嘅​服务​机会。同样​嘅​原则​都​适用​于​嗰啲​因为​世俗​工作​而​要​佩枪​嘅​基督徒。如果​系​噉，最好​就​考虑​换​过​份​工！ *

同​选择​工作​一样，基督徒​可以​点样​保护​自己、家人​或​财产，都​系​个​人​嘅​决定。以​上​嘅​圣经​原则​都​反映​出​上帝​嘅​智慧​同埋​佢​对​我哋​嘅​爱。基​于​呢啲​原则，灵性​成熟​嘅​基督徒​唔​会​以​避免​受​到​他​人​伤害​为​理由​而​拥有​枪械。佢哋​知道​只要​按照​圣经​原则​嚟​生活，表明​自己​信赖​上帝，就​会​得到​真正、恒久​嘅​安全。（诗篇​97:10；箴言​1:33；2:6，7）