Ca lección ni riziideʼ de lu Biblia
Lu libru riʼ zuundaluʼ guiráʼ ni guca dede dxi bizáʼ Dios guiráʼ ni nuu, dxi gule Jesús ne dede dxi gueeda Reinu stiʼ Dios.
Carta stiʼ Grupu ni Zaniruʼ
Modo zanda guni estudiarluʼ libru riʼ
LECCIÓN 1
Bizáʼ Dios guibáʼ ne Guidxilayú
Biblia ná bizáʼ Dios guibáʼ ne Guidxilayú. ¿Ñee nannuʼ tuu nga ángel bizáʼ Dios primé ante guzáʼ binni ne guiráʼ ni nuu la?
LECCIÓN 2
Bizáʼ Dios primé hombre ne primé gunaa
Bizáʼ Dios primé hombre ne primé gunaa ne guluube laacaʼ ndaaniʼ jardín de Edén. Dios gucalaʼdxiʼ ñápacabe ti familia ne ñúnicabe Guidxilayú riʼ ti paraísu.
LECCIÓN 3
Qué nuzuubaʼ Adán ne Eva stiidxaʼ Dios
¿Xiñee maʼ gadxé yaga ni zuhuaa galaa jardín que? ¿Xiñee gudó Eva cuananaxhi que?
LECCIÓN 4
Tantu bidxiichibe dede biitibe bíʼchibe
Guyuulaʼdxiʼ Jiobá ofrenda stiʼ Abel peru qué ñuuláʼdxibe stiʼ Caín. Ora bidiibe cuenta bidxiichibe ne bíʼnibe ti cosa nabé malu.
LECCIÓN 5
Arca ni bizáʼ Noé
Ora biete ca ángel bichaganacaʼ ca gunaa nuu lu Guidxilayú, gúpacaʼ xiiñicaʼ ni nabé riuulaʼdxiʼ guniná stobi. Biuu guendaquéiquiiñeʼ lu guidubi Guidxilayú. Maʼ gadxé guca Noé, laa gunnaxhii ne bizuubaʼ stiidxaʼ Jiobá.
LECCIÓN 6
Xhono binni bizulú ti guidxilayú cubi
Biaba dxacha nisaguié 40 dxi ne 40 gueelaʼ. Jma de ti iza biaana Noé ne familia stiʼ ndaaniʼ arca que. Óraque gudxi Jiobá laacabe maʼ zanda guireecabe.
LECCIÓN 7
Torre de Babel
Caadxi binni gucaláʼdxicaʼ ñúnicaʼ ti guidxi ne ti torre ni nindá dede guibáʼ. ¿Xiñee bichaa Jiobá idioma stícabe?
LECCIÓN 8
Bizuubaʼ Abrahán ne Sara stiidxaʼ Dios
¿Xiñee bisaana Abrahán ne Sara guiráʼ ni gúpacaʼ ne yendézacaʼ Canaán ra gulézacaʼ ndaaniʼ yoo de lari?
LECCIÓN 9
¡Bedandá dxi gúpacabe ti xiiñicabe!
Maʼ gudiʼdiʼ stale iza dede dxi biʼniʼ prometer Jiobá Abrahán ziuu ti guidxi ni za de xiiñiʼ. De guiropa xiiñiʼ Abrahán, Isaac ne Ismael ¿Tu luguiáʼ chigaca cumplir promesa riʼ?
LECCIÓN 10
Bietenalaʼdxiʼ ni bizaaca xheelaʼ Lot
Bisaba Dios bele ne azufre ndaaniʼ guidxi Sodoma ne Gomorra. ¿Xiñee binitilú ca guidxi riʼ? ¿Xiñee caquiiñeʼ guietenaláʼdxinu ni bisaacaʼ xheelaʼ Lot?
LECCIÓN 11
Bihuinni pa dxandíʼ nápabe fe
Dios gudxi Abrahán: «Gucuaa tobi lucha xiiñiluʼ ne bidii laabe casi ti ofrenda lu tobi de ca dani stiʼ Moria». ¿Ximodo zusihuinni Abrahán pa dxandíʼ napa fe?
LECCIÓN 12
Gucuaa Jacob herencia
Cuachi gupa Isaac ne Rebeca. Cumu Esaú nga gule primé la? laabe nga nicaabe herencia que. ¿Xiñee bichaabe ni pur ti bladuʼ guendaró yaʼ?
LECCIÓN 13
Biʼniʼ chaahuiʼ Jacob ne Esaú guendanagana gúpacaʼ
¿Xiñee bidxelasaané Jacob ti ángel ne gucuaa ndaayaʼ? ¿Ximodo biʼniʼ chaahuiʼ Jacob guendanagana gupané Esaú?
LECCIÓN 14
Ti esclavu ni bizuubaʼ stiidxaʼ Dios
Neca biʼniʼ José ni jneza, bidxaagalú stale guendanagana. ¿Xiñee yaʼ?
LECCIÓN 15
Qué nusiaandaʼ Jiobá José
Neca zitu guyuu José de familia stiʼ, bisihuinni Dios qué nusaana laabe.
LECCIÓN 19
Ca primé chonna plaga
Cumu nabé orgulloso Faraón que niná nuzuubaʼ diidxaʼ ne pur ngue bitiidibe xquídxibe ra nagana.
LECCIÓN 21
Ra bizaa chii plaga
Guizáʼ bininá últimu plaga riʼ Faraón ne últimu bidiibe lugar guiree ca israelita.
LECCIÓN 22
Milagru ni guca ndaaniʼ nisadóʼ Xiñáʼ
Bilá Faraón de chii plaga que, peru ¿ñee gunda bilabe de milagru stiʼ Dios riʼ la?
LECCIÓN 23
Bíʼnicabe ti promesa Jiobá
Biʼniʼ ca israelita ti promesa Jiobá dxi nuucaʼ ra nuu dani Sinaí.
LECCIÓN 24
Qué ñuni cumplircaʼ promesa bíʼnicaʼ
Laga cudii Jiobá Moisés Chii Mandamientu, guidxi que cuchee.
LECCIÓN 27
Bicaalúcabe Jiobá
Coré, Datán, Abiram ne chupa gayuaa cincuenta hombre qué gánnacaʼ xiixa nabé risaca de Jiobá.
LECCIÓN 30
Bicaachiʼ Rahab chupa espía
Biaba guiráʼ muru stiʼ Jericó. Peru qué ñaba lidxi Rahab, neca nuu ni lu muru que.
LECCIÓN 31
Josué ne ca gabaonita
Gunabaʼ Josué Dios guzuhuaa dxí Gubidxa. ¿Ñee bicabi Dios oración stibe la?
LECCIÓN 32
Ti líder nacubi ne chupa gunaa ni gupa valor
Guti si Josué, bizulú biʼniʼ adorar ca israelita bidóʼ. Bedané ni guendanagana, peru zacané juez Barac, profetisa Débora ne Jael né staca stiʼ laacabe.
LECCIÓN 33
Rut ne Noemí
Bibiguetaʼ chupa viuda Israel. Tobi de laacabe nga Rut, ne bíʼnibe dxiiñaʼ lu ti layú, raqué binibiaʼbe Boaz.
LECCIÓN 34
Biʼniʼ ganar Gedeón ca madianita
Gunabaʼ ca israelita Jiobá gulá laacaʼ de lu náʼ ca madianita purtiʼ nabé runinacaʼ laacabe. ¿Ximodo biʼniʼ ganar chonna gayuaa si soldadu stiʼ Gedeón 135 mil soldadu stiʼ Madián?
LECCIÓN 35
Gunabaʼ Ana Jiobá ti xiiñiʼ
Guiráʼ iza, riné Elcaná Ana, Peniná ne ca xiiñiʼ para guni adorarcaʼ Jiobá ndaaniʼ tabernáculo nuu Siló. Raqué, gunabaʼ Ana Jiobá ti xiiñiʼ. Ti iza despué, gule Samuel.
LECCIÓN 36
Promesa ni biʼniʼ Jefté
¿Xi promesa biʼniʼ Jefté? ¿Xiñee bíʼnibe promesa ca? ¿Xi guni xiiñidxaapabe ora ganna promesa bíʼnibe yaʼ?
LECCIÓN 37
Guniʼné Jiobá Samuel
Guiropa xiiñiʼ Elí sumo sacerdote que, gúcacaʼ sacerdote ndaaniʼ tabernáculo. Qué ñúnicaʼ ni ná ca ley stiʼ Dios. Gadxé modo guca Samuel de laacaʼ, ngue runi ti gueelaʼ guniʼné Jiobá laabe.
LECCIÓN 38
Bidii Jiobá stipa Sansón
Bidii Dios stale stipa Sansón para tindené ca filisteu, peru ra bichee Sansón, gunaazeʼ ca filisteu laabe.
LECCIÓN 39
Primé rey stiʼ Israel
Bidii Dios juez ca israelita que para gabi laacabe xi naquiiñeʼ gúnicabe peru ca binni que canábacaʼ gápacaʼ ti rey. Biʼniʼ ungir Samuel Saúl para gacaʼ primé Rey; despué gulee Jiobá laabe de gácabe rey, ¿nánnaluʼ xiñee la?
LECCIÓN 40
David ne Goliat
Gulí Jiobá David para gaca rey stiʼ Israel, ne David bisihuinni zuni mandar jneza ora gaca rey.
LECCIÓN 41
David ne Saúl
Nanalaʼdxiʼ ti hombre malu ti hombre ni nachaʼhuiʼ. ¿Xi runi hombre ni nachaʼhuiʼ que yaʼ?
LECCIÓN 42
Guca Jonatán nadxibalú ne tobi ni qué nusaana ca xhamigu
Nabé guca xhamigu xiiñiʼ rey que David.
LECCIÓN 44
Ti templu para Jiobá
Guyuulaʼdxiʼ Jiobá ni gunabaʼ Salomón laa, ne gudxi laabe xi caquiiñeʼ gúnibe.
LECCIÓN 49
Guca castigar ti reina guizáʼ mala
Biyubi Jezabel modo guuti ti israelita láʼ Nabot para guiaanané layú stibe. Peru biiyaʼ Jiobá ni bíʼnibe.
LECCIÓN 50
Bilá Jiobá Jehosafat de ca enemigu stiʼ
Biʼniʼ orar rey Jehosafat para guinabaʼ gacané Dios laa ora gucaalú ca enemigu stiʼ Judá.
LECCIÓN 51
Jefe stiʼ ti ejércitu ne ti dxaapahuiiniʼ
Caniʼné ti dxaapahuiiniʼ israelita gunaa ra rúnibe dxiiñaʼ de pabiáʼ poder napa Jiobá. Pur ndiʼ gunda guca ti milagru.
LECCIÓN 52
Ejércitu naze bele stiʼ Jiobá
¿Ximodo bidii hombre ni racané Eliseo que cuenta jma stale tu nuuné laacabe que cani nuuné ca enemigu stícabe?
LECCIÓN 53
Guca Jehoiadá nadxibalú
Ti sacerdote ruzuubaʼ diidxaʼ rucaalú ti reina guizáʼ qué iquiiñe.
LECCIÓN 54
Gupa Jiobá paciencia Jonás
¿Xiñee gubi ti benda ngola profeta stiʼ Dios? ¿Ximodo bilá Jonás? ¿Xi bisiidiʼ Jiobá laabe?
LECCIÓN 55
Bilá ángel stiʼ Jiobá Ezequías
Ca enemigu stiʼ Judá guniʼcaʼ qué zanda gulá Jiobá xquidxi, peru bilá Jiobá xquidxi.
LECCIÓN 56
Gunnaxhii Josías Ley stiʼ Dios
Xhono iza napa Josías dxi bizulú biʼniʼ mandar ndaaniʼ guidxi Judá ne gucanebe guidxi que para guni adorarcaʼ Jiobá sti biaje.
LECCIÓN 57
Biseendaʼ Jiobá Jeremías chiguni predicar
Guizáʼ bidxiichi ca binnigola de Judá que pur ni gudxi Jeremías laacaʼ.
LECCIÓN 58
Ra binitilú Jerusalén
Cumu qué nusaana ca binni de Judá ne Jerusalén de ñuni adorarcaʼ dios falsu la? maʼ qué ñapa Jiobá laacabe.
LECCIÓN 59
Tapa hombrehuiiniʼ ni bizuubaʼ stiidxaʼ Jiobá
Tapa hombrehuiiniʼ nuucaʼ dispuestu guzuubacaʼ stiidxaʼ Jiobá neca nuucaʼ ra nuu rey de Babilonia.
LECCIÓN 60
Ti Reinu ni qué ziuu dxi gusaana de guni mandar
Bisiene Daniel xi riníʼ ni guníʼ xcaandaʼ Nabucodonosor.
LECCIÓN 61
Qué nuzuxíbicaʼ nezalú ti bidóʼ
Qué nuzuxibi Sadrac, Mesac ne Abednego nezalú ti bidóʼ de oro stiʼ rey de Babilonia.
LECCIÓN 62
Ti reinu ni zeeda gaca casi ti yaga naroʼbaʼ
Ni guníʼ xcaandaʼ Nabucodonosor que bisihuinni xi chiguizaaca despué.
LECCIÓN 63
Gucuá caadxi diidxaʼ guriá yoo
¿Pora gucuá ca diidxaʼ ni guirutiʼ ñanda ñene guriá yoo que? ¿Xi riníʼ ca diidxaʼ ca?
LECCIÓN 64
Guluucabe Daniel ndaaniʼ ti bizé ra nuu caadxi lión
Biʼniʼ orar Jiobá guiráʼ dxi, cásica biʼniʼ Daniel ni.
LECCIÓN 65
Bilá Ester xquidxi
Neca de gadxé guidxi Ester ne huérfana laabe peru beeda gácabe ti reina.
LECCIÓN 66
Bisiidiʼ Esdras Ley stiʼ Dios guidxi que
Ora bicaadiaga ca israelita Esdras, bíʼnicaʼ ti promesa risaca Dios.
LECCIÓN 67
Ca muru stiʼ Jerusalén
Gunna Nehemías nuu ca enemigu stibe gucaalucaʼ laabe. ¿Xiñee qué nidxíbibe?
LECCIÓN 68
Gupa Elisabet ti baʼduhuiiniʼ
¿Xiñee qué ñanda niníʼ xheelaʼ Elisabet dede ora gule xiiñiʼ?
LECCIÓN 70
Guníʼ ca ángel maʼ gule Jesús
Ca hombre ni binadiaga maʼ gule Jesús nagueendaca yeguuyacaʼ laabe.
LECCIÓN 72
Dxi gupa Jesús doce iza
¿Xiñee nabé bidxagayaa ca maestru de templu que ora binadiágacaʼ Jesús?
LECCIÓN 73
Bixheleʼ Juan ti neza para Jesús
Guca Juan ti profeta ni guníʼ chigueeda Mesías. ¿Xi biʼniʼ binni ora binadiágacaʼ ni guniʼbe yaʼ?
LECCIÓN 74
Beeda gaca Jesús Mesías
¿Xi nuu Juan guiene ca binni que ora guníʼ naca Jesús Dendxuhuiiniʼ stiʼ Dios yaʼ?
LECCIÓN 75
Biʼniʼ tentar Binidxabaʼ Jesús
Biʼniʼ tentar Binidxabaʼ Jesús chonna biaje. ¿Ximodo biʼniʼ tentar Binidxabaʼ Jesús ne panda biaje bíʼnibe ni? ¿Xi bicabi Jesús laabe yaʼ?
LECCIÓN 76
Bisiá Jesús templu que
¿Xiñee biʼniʼ Jesús ti chicote de doo ne guladxi ca maniʼ nuu ndaaniʼ templu ne xiñee bitiixhibe mexaʼ stiʼ cani ruchaa bueltu?
LECCIÓN 77
Guniʼné Jesús ti gunaa ruaa ti bizé
¿Xiñee bidxagayaa ti gunaa samaritana ora guniʼné Jesús laa ruaa ti bizé? Gudxi Jesús laabe xiixa ni qué huayabi guirutiʼ, ¿xii ni yaʼ?
LECCIÓN 78
Biʼniʼ predicar Jesús de Reinu stiʼ Dios
Biʼniʼ invitar Jesús ca discípulo stiʼ gácacaʼ «pescador para guyúbicaʼ binni». Despué, guluube listu 70 de ca discípulo stibe para guni predicarcaʼ ca noticia galán stiʼ Dios.
LECCIÓN 79
Biʼniʼ Jesús stale milagru
Ratiica guyé Jesús yenanda ca binni huará laabe para gacanebe laacaʼ, ne laabe bisiándabe laacaʼ. Dede bisibánibe ti dxaapahuiiniʼ ni maʼ guti.
LECCIÓN 80
Gulí Jesús doce apóstol
¿Xi para gulí Jesús ca apóstol stiʼ? ¿Ñee rietenaláʼdxiluʼ tu láʼ ca apóstol stiʼ Jesús la?
LECCIÓN 82
Bisiidiʼ Jesús ca discípulo stiʼ guni orarcaʼ
¿Xi gudxi Jesús ca discípulo stiʼ cadi gusaana de guinábacaʼ?
LECCIÓN 84
Guzá Jesús lu nisa
¿Ñee ruxuíʼluluʼ ximodo biʼniʼ sentir ca apóstol ora bíʼyacaʼ milagru que la?
LECCIÓN 86
Bisibani Jesús Lázaro
Ora biʼyaʼ Jesús cayuunaʼ Marta, laaca bizulú biinaʼ. Peru qué nindaa guyuucabe nayecheʼ sti biaje.
LECCIÓN 87
Guendaroxhi stiʼ Señor
Laga cayoxhiné Jesús ca apóstol stiʼ cayábibe laacaʼ xi caquiiñeʼ gúnicaʼ.
LECCIÓN 88
Gunaazecabe Jesús
Yené Judas Iscariote ti grupu de binni ni naaze espada ne palu ndaaniʼ jardín láʼ Getsemaní para guinaazecabe Jesús.
LECCIÓN 89
Guníʼ Pedro qué runibiáʼ Jesús
¿Xi guca lu patiu ra lidxi Caifás? ¿Xi bizaaca Jesús ra lidxi Caifás?
LECCIÓN 92
Bihuinni Jesús sti biaje nezalú ca discípulo stiʼ
¿Xi biʼniʼ Jesús para guʼyaʼ ca discípulo que laabe?
LECCIÓN 93
Bibiguetaʼ Jesús guibáʼ
Ante guibiguetaʼ Jesús guibáʼ, gúdxibe laacaʼ caadxi cosa ni naquiiñeʼ gúnicaʼ.
LECCIÓN 94
Gucuaa ca discípulo stiʼ Jesús espíritu santu
¿Xi gunda biʼniʼ ca discípulo stiʼ Jesús ora gucuaacaʼ espíritu santu?
LECCIÓN 95
Gastiʼ qué nucueeza laacabe
Tribunal stiʼ ca judíu ni biiti Jesús, gucalaʼdxiʼ nucueeza ca discípulo stiʼ Jesús de ñuni predicar, peru qué ñanda nucueezacaʼ laacabe.
LECCIÓN 97
Gucuaa Cornelio espíritu santu
¿Xiñee biseendaʼ Dios apóstol Pedro ra lidxi hombre riʼ pa cadi judíu laa?
LECCIÓN 98
Biʼniʼ predicar ca xpinni Cristu ndaaniʼ stale guidxi
Biʼniʼ predicar Pablo ne ca xcompañeru ndaaniʼ stale guidxi zitu.
LECCIÓN 99
Guca ti carceleru xpinni Cristu
Lu historia riʼ, ¿xiñee riete de ti demonio, ti xu ne ti espada?
LECCIÓN 100
Pablo ne Timoteo
Guiropaʼ hombre riʼ bíʼnicaʼ xhiiñaʼ Jiobá pur stale iza ne guizáʼ guca xhamígucaʼ.
LECCIÓN 101
Yenécabe Pablo Roma
Bidxaagalú Pablo stale guendanagana lu ca viaje biʼniʼ, peru gastiʼ qué nucueeza laabe de ñuni predicarbe.
LECCIÓN 103
«Gueeda Reinu stiluʼ»
Gupa Juan ti visión, ne biiyaʼ ximodo zabáninu ora guzulú guni mandar Reinu stiʼ Dios ndaaniʼ Guidxilayú.