XI ZANDA GUCUEEZA ESTRÉS RÁPANU
Zedandá dxi zabáninu sin estrés
Guiráʼ ca conseju galán zeeda lu Biblia racanécani para cadi tan guniná estrés laanu. Qué gápanu poder para cueenu estrés rápanu, peru Dios ni bizáʼ laanu zanda cuee ni. Ne dxandíʼ peʼ zúnibe ni purtiʼ maʼ gulibe Jesucristu para gacané laanu. Maʼ cadi candaa zuni Jesús ca cosa ni biʼniʼ dxi beeda lu Guidxilayú riʼ. Guidúʼyanu caadxi cosa ni chigúnibe.
ZUSIANDA JESÚS CA NI HUARÁ
«Bedanécabe binni napa gadxé gadxé clase guendahuará [...] ne bisiándabe laacaʼ» (MATEO 4:24).
ZACANÉ JESÚS GUIRÁʼ BINNI GAPA LIDXI NE NI GÓ
«Zucuícabe yoo ne zabézacabe ndaaniʼ ni ne zuzuhuaacabe lubáʼ uva ne zócabe cuananaxhi stini. Qué zucuícabe yoo ne gadxé tu cueza ndaaniʼ ni; qué zúnicabe dxiiñaʼ layú ne gadxé tu gó guiráʼ ni gudiini» (ISAÍAS 65:21, 22).
ZAGUU JESÚS PAZ NE ZABEE GUENDAQUÉIQUIIÑEʼ LU GUIDXILAYÚ
«Ca dxi guni mandarbe, zadale ca ni nachaʼhuiʼ, ne ziuu stale paz dede dxi maʼ qué chuʼ beeu. Zuni mandarbe ca ni nabeza dede ruaa ti nisadóʼ hasta ruaa sti nisadóʼ ne dede ruaa Guiiguʼ hasta ra riluxe guidxilayú [...] ne ca enemigu stibe zaxupi yudé» (SALMO 72:7-9).
ZABEE JESÚS GUIRÁʼ COSA MALU
«Ziabe ca binni humilde ne ca pobre, ne zulabe xquendanabani ca binni pobre. Zulabe ca ni cuquiichinácabe laacaʼ ne zulabe laacaʼ de guendaquéiquiiñeʼ» (SALMO 72:13, 14).
ZABEE JESÚS YUUBAʼ NE GUENDAGUTI
«Maʼ qué ziuuruʼ guendaguti, maʼ guirutiʼ qué ziuu triste, maʼ guirutiʼ qué zuunaʼ ne maʼ qué ziuuruʼ yuubaʼ» (APOCALIPSIS 21:4).
