Zannaxhii ca xiiñiluʼ Dios pa gúʼyacaʼ xiixa ni gusihuinni dxandíʼ nuube ne nadxiibe laacaʼ. Laaca naquiiñeʼ gunibiáʼcabe laabe (1 Juan 4:8). Naquiiñeʼ gánnacabe caadxi cosa, casi xiñee bizaʼbe binni, xiñee rudiibe lugar gacaná binni ne xi chigúnibe pur laanu despué. (Biindaʼ Filipenses 1:9.)

Para gannaxhii ca xiiñiluʼ Dios, naquiiñeʼ gúʼyacabe laaca nadxiiluʼ Dios, purtiʼ ni jma nagueenda gúnicabe nga chinándacabe ejemplu stiluʼ. (Biindaʼ Deuteronomio 6:5-7 ne Proverbios 22:6.)

Stiidxaʼ Dios napa stale poder (Hebreos 4:12). Nga runi, gucané ca xiiñiluʼ guiénecaʼ cani rusiidiʼ Biblia. Para ganda chindaluʼ ndaaniʼ ladxidóʼ ca xiiñiluʼ, biʼniʼ casi biʼniʼ Jesús ora bisiidiʼ ca discípulo stiʼ: gunabadiidxaʼ laacabe, bicaadiaga ni guicábicabe ne bisiene laacabe ni cadi cayénecabe. (Biindaʼ Lucas 24:15-19, 27, 32.)

Laaca zanda gúʼndaneluʼ laacabe ca historia zeeda lu Biblia ni rusihuinni pabiáʼ nadxii Dios binni. Zacá zunibiáʼ chaahuicabe Dios ni bizáʼ guiráʼ xixé ni nuu ne jma zannaxhiicabe laa. Lu www.mt711.com/zai zadxélaluʼ xcaadxi ni zacané lii gusiidiluʼ laacabe. (Biindaʼ 2 Timoteo 3:16.)