ኢየሱስ ምድር ሳለ እንዳደረገው የታመሙትን ይፈውሳል።

“ሰዎችም በተለያየ በሽታና ከባድ ሕመም የሚሠቃዩትን . . . ሁሉ ወደ እሱ አመጡ፤ እሱም ፈወሳቸው።”—ማቴዎስ 4:24

ኢየሱስ ሁሉም ሰው መኖሪያ ቤትና በቂ ምግብ እንዲያገኝ ያደርጋል።

“[የክርስቶስ ተገዢዎች] ቤቶችን ይሠራሉ፤ በዚያም ይኖራሉ፤ ወይንንም ይተክላሉ፤ ፍሬውንም ይበላሉ። እነሱ በሠሩት ቤት ሌላ ሰው አይኖርም፤ እነሱ የተከሉትንም ሌላ ሰው አይበላውም።”—ኢሳይያስ 65:21, 22

የኢየሱስ አገዛዝ በመላው ዓለም ሰላምና ደህንነት ያሰፍናል።

“በእሱ ዘመን ጻድቅ ይለመልማል፤ ጨረቃም በምትኖርበት ዘመን ሁሉ ሰላም ይበዛል። ከባሕር እስከ ባሕር ድረስ፣ ከወንዙም እስከ ምድር ዳርቻ ድረስ ተገዢዎች ይኖሩታል። . . . ጠላቶቹም አፈር ይልሳሉ።”—መዝሙር 72:7-9

ኢየሱስ የፍትሕ መጓደልን ያስወግዳል።

“ለችግረኛውና ለድሃው ያዝናል፤ የድሆችንም ሕይወት ያድናል። ከጭቆናና ከግፍ ይታደጋቸዋል።”—መዝሙር 72:13, 14

ኢየሱስ መከራን እና ሞትን ሳይቀር ያስወግዳል።

“ከእንግዲህ ወዲህ ሞት አይኖርም፤ ሐዘንም ሆነ ጩኸት እንዲሁም ሥቃይ ከእንግዲህ ወዲህ አይኖርም።”—ራእይ 21:4