Pu profecia Biblia mu, ¿pengeli Jesús ñi Mesíasngen?
Biblia ñi quimeltuqueel
Mai. Petu mülepalu Mapu mu, Jesús huechuenturpui fentren profecia “ti Ñidol Mesías” mu, ‘ti montulafilu tüfachi Mapu meu mülechi pu che’ (Daniel 9:25; 1 Juan 4:14). Deu lalu rume, huechutripalerpui fentren profecia nütramel ti Mesías mu (Salmo 110:1; Hechos 2:34-36).
¿Chem cüpa feipifel Mesías?
Mesías cüpai hebreo quehun dungu mu, ca Cristo griego quehun dungu mu. ¿Chem cüpa feipi Mesías ca Cristo? Feipilei “Tati Dullingelu”. Feimu Jesucristo ñi üi cüpa feipi “Jesús tati Dullingelu” cam “Jesús tati Mesías”.
Biblia feipi cuifi mu tati dullingeal, hutrulelngequefui aceite tañi lonco mu. Femngechi ñi pengelal tañi dullingen ñi femal quiñe elfal cüdau (Levítico 8:12; 1 Samuel 16:13). Chau Dios dullifi ta Jesús ñi femal quiñe falin cüdau, ñi Mesíasngeal (Hechos 2:36). Tañi hutrulelngeafel aceite ñi lonco mu, doi mai Jehová elueyu tañi nehuen (Mateo 3:16).
¿Doi quiñe che huechunenturpuafui com tati profecia?
Femlayafui llemai. Chumngechi ñi femtripan pu profecia pengelquei ñi mülen quiñe Mesías müten. Huelu Biblia ngüfetui ñi cüpayal “tati coilaque Cristo ca coila pelonque huentru, fei pengelai engün fütraque afmatufal dungu ca pepiluhun tañi ngünencacheal, tañi ngünencayafiel Ngünechen tañi dullielchi pu che cütu” (Mateo 24:24).
Cüpalechi antü mu, ¿huefrumeafui quiñe Mesías?
Femlai. Biblia feipi tati Mesías cüpayai tati lonco ülmen David ñi cüpanche mu (Salmo 89:3, 4). Jesús ñi antü mu huirintucungequefui pu che ñi cüpanche, feimu quimfali Jesús David ñi yomelchengen, ñi pu caiñe cütu quimniefui tüfa (Mateo 22:41-46). Huelu com feichi huirintucun ñamingün. Feichi 70 tripantu a apümcangelu Jerusalén, com feichi huirintucun ca apümcangepelai. Feimu inei no rume pengel-layafui David ñi cüpanchengen.
Biblia mu, ¿tunten profecia nüucülei ti Mesías mu?
Fentrelei, huelu caquerumei chumngechi ñi raquingequen pu profecia, feimu feipilayafuiñ ñi tuntelen. Biblia mu feipingele rume quiñe profecia ñi nüucülen ti Mesías mu, caquerumeafui chumngechi ñi raquingequen tati profecia. Por ejemplo, Isaías 53:2-7 feipi fentren dungu ñi femal ti Mesías. Feichi troquiñ Biblia quiñeque che feipiafui ñi nieel fentren profecia, cangelu che feipiafui ñi nieel quiñe profecia müten.
Quiñeque profecia pengelquelu Jesús ñi Mesíasngen
Chem rupai |
Feipicünungei |
Chumngechi femtripai |
|---|---|---|
Abrahán ñi cüpanche |
||
Isaac ñi cüpanche, tüfa Abrahán ñi fotüm |
||
Judá troquiñche mu tuhui |
||
Tuhui lonco ülmen David mu |
Isaías 9:7 |
|
Choyüngei quiñe üllcha domo mu |
Isaías 7:14 |
|
Choyüngei Belén huaria meu |
Miqueas 5:2 |
|
Emmanuel pingeafui b |
Isaías 7:14 |
|
Choyüngelu ülmen mongen nielafui |
Isaías 53:2 |
|
Choyüngelu hula, fentren pichique huentru langümngeingün |
Jeremías 31:15 |
|
Mütrümngei Egipto mapu meu |
Oseas 11:1 |
|
Nazaretche pingequefui c |
Isaías 11:1 |
|
Petu ñi amuldungunon, huercüngei quiñe hunen huerquen |
Malaquías 3:1 |
|
Dullingei tañi Mesíasngeal 29 tripantu mu d |
Daniel 9:25 |
|
“Tüfa tañi fotüm” pi Jehová |
Salmo 2:7 |
|
Nehuentu incañpefi Chau Dios tañi ruca |
Salmo 69:9 |
|
Amuldungui cümeque dungu |
Isaías 61:1 |
|
Quiñe fütra pelon reque felefui tañi amuldungun Galilea mapu meu |
Isaías 9:1, 2 |
|
Moisés reque, ca femngechi femi afmatun dungu |
Deuteronomio 18:15 |
|
Moisés reque, ca femngechi dungui ñi feipieteu Chau Dios |
Deuteronomio 18:18, 19 |
|
Tremoltufi fentrenque che |
Isaías 53:4 |
|
Ayüquelafui ñi afmatungeal |
Isaías 42:2 |
|
Cutranpiuqueyequefui pu cutrancaucülelu |
Isaías 42:3 |
|
Quimeltui Chau Dios tañi nor dungu |
Isaías 42:1, 4 |
|
Afmatufal Quimeltufe |
Isaías 9:6, 7 |
|
Quimeltulelfi pu che Jehová tañi üi |
Salmo 22:22 |
|
Quimeltui pengelün dungu meu |
Salmo 78:2 |
|
Ñidolcülei |
Daniel 9:25 |
|
Fentren che feyentulaeyu |
Isaías 53:1 |
|
Huelulcafi ta caquelu pu che |
Isaías 8:14, 15 |
|
Illamcaeyu pu che |
Salmo 118:22, 23 |
|
Üdengei fei ñi culpanon rume |
Salmo 69:4 |
|
Pu che püramyeeyu conpulu Jerusalén quiñe furicu mu |
Zacarías 9:9 |
|
Pichiqueche püramyeeyu |
Salmo 8:2 |
|
Cüpai Jehová tañi üi mu |
Salmo 118:26 |
|
Quiñe hueni ngünencaeyu |
Salmo 41:9 |
|
Hulcünungei 30 moneda plata mu |
Zacarías 11:12 |
|
Püd tripai tañi pu hueni |
Zacarías 13:7 |
|
Coilaque che huitrameldungueyu |
Salmo 35:11 |
|
Dalluntucungelu, ñücüfcülei müten |
Isaías 53:7 |
|
Tofcütucangei |
Isaías 50:6 |
|
Cüpafcañmangei ñi lonco |
Miqueas 5:1 |
|
Huimacangei |
Isaías 50:6 |
|
Cüpafcangelu chaftulai |
Isaías 50:6 |
|
Pu gobernante caiñetueyu |
Salmo 2:2 |
|
Clafantucuñmangei tañi cuhu ca tañi namun quiñe mamüll mu |
Salmo 22:16 |
Mateo 27:35, Traducción del Nuevo Mundo (TNM); Juan 20:25 |
Sortiañmangei ñi tacun |
Salmo 22:18 |
|
Culpafe reque langümngei |
Isaías 53:12 |
|
Lucatungei ca illamcangei |
Salmo 22:7, 8 |
|
Cutrancangei com pu culpafe che ñi duam meu |
Isaías 53:5, 6 |
|
Quisucünuelumu Ngünechen troquihui |
Salmo 22:1 |
|
Elungei ñi pütocoal vinagre reyülelu ütrum engu |
Salmo 69:21 |
|
Huihui epe lalelu |
Salmo 22:15 |
|
Chalintuculelfi ñi mongen Chau Ngünechen |
Salmo 31:5 |
|
Hultucui tañi mongen |
Isaías 53:12 |
|
Tañi lan mu montulfi ta pu che ñi culpan meu |
Isaías 53:12 |
|
Trafoñmangelai quiñe ñi foro no rume |
Salmo 34:20 |
Juan 19:31-33, TNM; 36 |
Chücad rulmelelngei quiñe huaiqui ñi cuerpo mu |
Zacarías 12:10 |
|
Pu ricu engün quiñentrür rüngalngei |
Isaías 53:9 |
|
Huiñomongelngetui |
Salmo 16:10 |
|
Tati apostol ñi hultucueteu cangelu che nütui fei ñi cüdau |
Salmo 109:8 |
|
Anüleputui Chau Ngünechen ñi man püle |
Salmo 110:1 |
a Quiñe lifru nütramcalu historia ca Biblia mu, feipi: “Ñi huirintucuel pu judio ñi cüpanche meu mülepelafui petu ñi apümngenon Jerusalén, fei apümcangelu chi huaria feichi peno apümcangei ti huirilequefulu”.
b Ti hebreo üitun Emmanuel feipilei “Ngünechen mülei ta iñchiñ meu”. Tati üi cüme pengeli Jesús ñi elfal cüdau tañi Mesíasngen mu. Mülepalu Mapu mu com tañi fempan mu, cüme pengelcünui Chau Dios ñi mülen tañi pu poyequeteu meu (Lucas 2:27-32; 7:12-16).
c Tati feipin Nazaretche, cüpai peno quiñe dungun hebreo quehun mu, feipilelu “choyün”.
d Ayülmi tami quimal chumngechi tati Biblia pengelquei tati Mesías ñi peufaluhual 29 tripantu mu, ngüneduamafuimi ti troquiñ feipilelu “Ti pelon wentru Daniel feypikünuy ñi akual ti Mesia”.
Eimi ca ayüafuimi
¡TAMI QUIMAFEL!
Quiñe domo judio tuhun-ngelu ngüneduami ñi cümepen mai tañi feyentun
Racquel Hall, ¿chumngelu feyenturpui Jesús ñi Mesías ngen?
