MAHÔLA NGÉDA U GWÉ NDUÑA
Baa u gwé nduña?
“Bésbobasôna di nôgda nduña, ndi yem i nlôôha. Jam jada bé jon li bé ti me nduña ndi ngandak mam; téntén ngéda me bé tééda nlô wem nu a bé kon ngandak, me yéñék ki manjel inyu boñ le a témbna mbôô wé.”—Jill. *
“Nwaa wem a bi ke, a tjôô me ni bon iba. Hala a nlet i néñés bon wetama. Kiki me bi nimis bôlô yem, me bééna bé me to moni inyu tibil litôwa jem. Me bé yi bé kii me nlama boñ. Nduña i bi yuu me. Me bé sômbôl nitba, ndi me bé yi le hala a ta bé loñge, jon me bé soohe Djob le a nwas le me wo.”—Barry.
Ngim mangéda, baa u nôgda le nduña i nsômbôl nol we kiki i bé sômbôl nol Jill bo Barry? Ibale ñ, i mbamble unu u ga ti we mahôla ni hogbe. I mbamble unu u nsima mam ma nlona nduña, lelaa i nla tééñga mbôô woñ ni kii u nla boñ inyu suhus yo.
^ liboñ 3 Ngim môl i nhéñha.