IFILECITIKA MU CALO | INDUPWA
Indupwa
Mu ndupwa ishingi mulaba amafya, lelo ifyo Baibolo ilanda kuti fyayafwa aba mu lupwa ukupwisha amafya no kutwalilila ukutemwana.
Mu Africa
Akabungwe ka World Health Organization katila, banacifyashi balingile ukutendeka ukonsha umwana ilyo pashilapita ne awala limo apo afyalilwe kabili balingile ukutwalilila ukumonsha pa myeshi 6 ukwabula ukumupeelapo icili conse. Na lyo line, aba mu kabungwe ka UNICEF batile abasabankanya amakwebo balabepa abantu ukuti “umukaka uo bapangila abana uusuma ku mwana nga filya fine fye umukaka we bele waba.”
IFYO BAIBOLO ILANDA: “Uushaishiba atetekela fye fyonse ifyo aumfwa, lelo uwacenjela alalolekesha apo alenyanta.”—Amapinda 14:15.
Mu Canada
Abafwailisha pa fintu mu musumba wa Montreal, batile abana abo abafyashi babo bapeela amafunde ya kukonka ayayafya, lelo abo bashilanga sana ukutemwa, balena ukucila mu cipimo, nga kubalinganya ku bana abo abafyashi balanga ukutemwa kabili abo basalapula mu kulinga.
BUSHE MWALISHIBA? Baibolo yalilandile kale sana ifyo abafyashi balingile ukulasunga abana pa kuti abana balekula bwino.—Abena Kolose 3:21.
Mu Netherlands
Ilyo abafwailisha pa fintu mu calo ca Netherlands, bafwailishe pa ndupwa umo abafyashi bonse babili babomba, basangile ukuti nga ca kuti abafyashi balabika amano ku ncito e lyo na ku ndupwa shabo, kulaba ukumfwana sana na bana babo ukucila balya abafyashi aba kuti balibika sana amano ku ncito ukucila ku bana babo. Ku ca kumwenako, nga ca kuti abafyashi bainuka ku ncito e lyo baletuma amafoni ukulanshanya ifya ku ncito ilyo bali ku ng’anda, kuti calenga belabika sana amano ku bana babo.
IFYO MULINGILE UKUTONTONKANYAPO: “Icintu conse calikwata inshita ya ciko [iisuma].”—Lukala Milandu 3:1.
Nalimo Kuti Mwatemwako ne fi
IFITABO NA MABROSHUWA
Mu Lupwa Lwenu Kuti Mwaba Insansa
Mu cupo cenu na mu lupwa kuti mwaba insansa nga mulekonka ifyo Baibolo ilanda.
