Ol man we oli strong blong folem skul, oli ting se God mo Jisas tufala i glad long skul we oli stap long hem. Sipos oli no tingting olsem, bambae oli no strong blong folem skul ya.

 Jisas Kraes i no agri wetem tingting ya se i gat plante skul, plante rod, we evriwan i lidim man i go blong kasem laef. Be Jisas i talem se: “Get ya we i smol nomo, mo rod we i strong, hemia i blong go kasem laef. Mo smol man nomo oli faenem.” (Matiu 7:14) Ol Witnes blong Jehova oli bilif se oli faenem smol rod ya finis. Sipos oli no bilif olsem, bambae oli traem faenem wan narafala skul.