Zob 34:1-37
34 Alor Eliou ti kontinyen dir:
2 “Ekout mwan, zot ki saz.
Ekout mwan, zot ki konn sitan en kantite keksoz.
3 Parski zorey i teste bann parolParey lalang* i gout manze.
4 Annou esey konpran sa ki drwat.
Annou deside antre nou sa ki byen.
5 Parski Zob in dir, ‘Mon annan rezon,Me Bondye pa’n ziz mwan dan en fason zis.
6 Eski mon pou koz manti e dir ki mon pa inosan?
Mon boubou pa kapab geri, menm si mon pa’n fer okenn fot.’
7 Lekel ki parey Zob,Ki ekout bann moker parey i bwar delo?
8 I avek bann ki fer sa ki malE i frekant bann move dimoun.
9 Parski i’n dir, ‘Napa okenn byenfePour en dimoun ki esey fer plezir Bondye.’
10 Alor ekout mwan, zot ki entelizan:
I enposib pour sa vre Bondye fer sa ki malE pour sa Enn Tou Pwisan fer sa ki move!
11 Parski i pou rekonpans en dimoun dapre sa ki i ferE i pou fer li peye pour son aksyon.
12 Sirman, Bondye pa fer sa ki mal.
Sa Enn Tou Pwisan pa azir dan en fason enzis.
13 Lekel ki’n met li ansarz laterE lekel ki’n apwent li pour diriz lemonn antye?*
14 Si i port latansyon lo zot,E pran zot lavi* ek zot souf,
15 Tou bann imen pou mor ansanmE zot pou retourn dan lapousyer.
16 Alor si ou annan lentelizans, pran sa akerE ekout byen sa ki mon annan pour dir.
17 Eski en dimoun ki ay lazistis ki pou dirizeOubyen eski ou pou kondann en dimoun pwisan ki drwat?
18 Eski ou pou dir en lerwa, ‘Ou en bon nanryen’Oubyen avek bann dimoun enportan, ‘Zot bann move dimoun’?
19 Bondye pa fer lapreferans avek bann prensE i pa tret bann ris pli byen ki bann pov,*Akoz li ki’n fer zot tou.
20 Zot kapab mor en sel kou dan milye lannwit.
Zot tranble en kantite e mor.
Menm bann dimoun pwisan i ganny tire, me pa par lanmen zonm.
21 Parski Bondye i vwar tou sa ki en dimoun i ferE partou kot i ale.
22 Napa fernwanr oubyen okenn lonbrazKot bann move dimoun i kapab kasyet.
23 Parski Bondye pa’n fikse en letan pour ki en dimounI vin devan li pour ganny zize.
24 I detri bann dimoun pwisan san ki i bezwen fer lanketE i met lezot dimoun dan zot plas.
25 Parski i konnen sa ki zot pe fer.
I fer zot perdi zot pouvwar dan en lannwit e zot ganny detrir.
26 Parski zot fer sa ki mal, I frap zotDevan tou dimoun,
27 Akoz zot in aret swiv liE zot napa respe pour sa ki i fer.
28 Zot fer bann dimoun pov demann led BondyeE i tande ler bann malere i kriy osekour.
29 Ler Bondye i reste trankil, lekel ki kapab kondann li?
Ler i kasyet son figir, lekel ki kapab vwar li?
Ki swa i kasyet son figir avek en nasyon oubyen en dimoun, rezilta i parey,
30 Parski Bondye pa pou les en dimoun ki napa respe pour li* dirizeOubyen met en pyez pour lepep.
31 Eski en dimoun i kapab dir Bondye,‘Mon’n ganny pini, menm si mon pa’n fer nanryen mal?
32 Ansenny mwan sa ki mon pa konnen,Koumsa si mon’n fer en keksoz mal, mon pa pou fer li ankor.’
33 Eski i pou rekonpans ou dapre sa ki ou’n deside menm si ou pa aksepte son zizman?
Ou ki bezwen deside, pa mwan.
Alor dir mwan sa ki ou konnen.
34 Bann ki entelizan pou dir mwan,Nenport dimoun saz ki tann mwan pou dir,
35 ‘Zob pa konnen ki i pe dirE son parol i montre ki i napa bon zizman.’
36 Ki Zob i ganny teste* konpletmanAkoz i reponn parey bann move dimoun!
37 I’n fer pese e aprezan i pe rebele.
I bat lanmen pour monk nouE i’n dir en kantite keksoz kont sa vre Bondye!”
Bann not
^ Literalman, “pale.”
^ Oubyen “later kot i annan dimoun.”
^ Oubyen “lafors lavi.”
^ Oubyen “bann dimoun enportan pli byen ki bann dernyen dimoun.”
^ Oubyen “en aposta.”
^ Oubyen posibleman, “Mon papa, ki Zob i ganny teste.”
