Akoz Temwen Zeova pa servi lakrwa?
Bokou dimoun i krwar ki lakrwa i reprezant bann Kretyen. Nou Temwen Zeova, nou pa servi lakrwa, menm si nou Kretyen. Akoz?
En rezon i akoz Labib i montre ki Zezi ti mor lo en poto, non pa en lakrwa. Deplis, Labib i demann bann Kretyen pour “sov lwen avek ladorasyon zidol.” Savedir zot pa devret servi lakrwa pour ador Bondye akoz si non i pou vin parey en zidol.—1 Korentyen 10:14; 1 Zan 5:21.
I enteresan sa ki Zezi ti dir: “Par sa, tou dimoun pou konnen ki zot mon disip, si zot annan lanmour antre zot.” (Zan 13:34, 35) Zezi ti pe montre ki se lanmour senser ki pou idantifye bann vre Kretyen, pa lakrwa oubyen en lot lobze.
You May Also Like
BANN LANSENNYMAN ENPORTAN DAN LABIB
Eski Bondye i aksepte ki nou servi stati oubyen portre dan nou ladorasyon?
Eski bann stati oubyen portre i kapab fer nou santi nou pli pros avek Bondye menm si nou pa vwar li?
LO LABIB
Seye nou letid Labib
Konmans en letid Labib enteraktif ki gratwit avek en ansenyan zis pour ou.